- سىرتقى پروينفلياتسيالىق تاۋەكەلدەر كۇشەيدى. تاياۋ شىعىستاعى شيەلەنىستىڭ توقتاماۋى الەمدە ينفلياتسيالىق قىسىمدى كۇشەيتىپ، تاۋار مەن قارجى نارىقتارىنداعى قۇبىلمالىلىقتى ەسەلەپ تۇر. وسى جاعدايدا ەۋروپا ورتالىق بانكى مەن فەدەرالدى رەزەرۆ جۇيەسىن قوسا العاندا، ءبىرقاتار جەتەكشى ورتالىق بانكتەر اقشا-كرەديت ساياساتىن قاتاڭداتۋعا كوشتى، - دەدى ت. سۇلەيمەنوۆ.
ونىڭ ايتۋىنشا، ازىق-تۇلىكتىڭ الەمدىك باعاسى ءوسىپ كەلەدى. قىركۇيەك ايىندا ف ا و ازىق-تۇلىك باعاسىنىڭ يندەكسى ءبىر ايدا 1,5 پايىزعا جانە جىلدىق ماندە 5,8 پايىزعا ءوستى. استىق، وسىمدىك مايى مەن قانت باعاسىنىڭ دا وسكەنى بايقالدى. ال ەتتىڭ الەمدىك باعاسى ءبىرشاما تومەندەدى.
- قىركۇيەكتە رەسەيدەگى ينفلياتسيا 6,4 پايىز بولدى. رەسەي بانكى ورنىقتى ينفلياتسيالىق قىسىم كۇشەيگەنىن اتاپ ءوتتى. وسى جاعدايدا رەتتەۋشى قىركۇيەك ايىندا اقشا-كرەديت ساياساتىن ىسكە اسىرۋدا ساقتىقتى ۇستانىپ، نەگىزگى مولشەرلەمەنى 14 پايىز دەڭگەيىندە قالدىردى. ەۋروپا وداعىندا ينفلياتسيا قىركۇيەك ايىندا ەنەرگيا كوزدەرىنە باعا وسكەن تۇستا 3,8 پايىزعا دەيىن جەدەلدەدى. ينفلياتسيالىق قىسىمنىڭ كۇشەيۋىنە بايلانىستى ەۋروپا ورتالىق بانكى قىركۇيەك ايىندا پايىزدىق مولشەرلەمەنى 25 بازالىق تارماققا كوتەرىپ، ينفلياتسيانى 2 پايىز نىسانالى دالىزگە قايتارۋ كەرەك دەگەن ۇستانىمىن راستادى. ا ق ش- تا دا ينفلياتسيا 3,7 پايىزعا دەيىن جەدەلدەدى. ەنەرگيا كوزدەرى، سونىڭ ىشىندە ەڭ الدىمەن بەنزين باعاسىنىڭ ءوسۋى ايتارلىقتاي ۇلەس قوستى. قىركۇيەكتە ا ق ش فەدەرالدى رەزەرۆتىك جۇيەسى ينفلياتسيالىق قىسىمدى ودان ءارى تەجەۋ قاجەت ەكەنىن اتاپ ءوتىپ، مولشەرلەمەنى 25 بازالىق تارماققا كوتەردى، - دەدى ۇ ب باسشىسى.
ونىڭ سوزىنە قاراعاندا، الەمدىك مۇناي نارىعىندا جاعداي بەلگىسىز كۇيدە قالىپ وتىر. Brent ماركالى مۇنايدىڭ 1 باررەلى 100 ا ق ش دوللارىنان جوعارى دەڭگەيدە قالىپتاستى.
بۇعان دەيىن حابارلانعانداي، ق ر ۇلتتىق بانكىنىڭ اقشا-كرەديت ساياساتى كوميتەتى بازالىق مولشەرلەمەنى جىلدىق 15,75 پايىز دەڭگەيىندە بەلگىلەۋ تۋرالى شەشىم قابىلدادى.