وتانداسىمىز اۋىر اتلەتيكادان ەرلەر اراسىندا 95 كەلى سالماقتا جارىس جولىنا شىقتى.
جۇلقا كوتەرۋ سىنىندا نۇرعيسا 177 كەلىنى باعىندىرسا، يراندىق سپورتشى ءالي ءاليپور 180 كەلى سالماقتى ءساتتى كوتەرىپ، ازيادا رەكوردىن جاڭارتتى.
سەرپە كوتەرۋدەن قازاقستاندىق سپورتشى 217 كەلى شتانگانى باسىنان اسىرىپ، ازيا جانە ازيادا رەكوردىن جاڭارتتى. الايدا، يراندىق قارسىلاس ءۇشىنشى مۇمكىندىگىندە 218 كەلىنى ءساتتى باعىندىرىپ چەمپيون اتاندى. وسىلايشا، قازاقستاندىق سپورتشى جالپى ەسەپتە 394 كەلى ناتيجەمەن ازيا ويىندارىنىڭ كۇمىس جۇلدەگەرى اتاندى.
وسىعان دەيىن حابارلاعانىمىزداي، الەكسەي چۋركين اۋىر اتلەتيكادان الەم رەكوردىن جاڭارتىپ، ازيادانىڭ كۇمىس جۇلدەگەرى اتانعان بولاتىن.
سونىمەن قاتار، ادىلەت احمەتعالي كۋراشتان ازيا ويىندارىنىڭ قولا جۇلدەسىن جەڭىپ الدى.
اۆتور
مۇحتار قاليموللا ۇلى