- كاراتە، ۆەلوسپورتتان العا شىعىپ جاتىرمىز. م م ا، ارالاس جەكپە-جەكتەن دە ءۇمىت بار. بوكس، دزيۋدودان مەدال كۇتەمىز. اسىرەسە، اعايىندى ورالبايلاردان ناتيجە كۇتىپ وتىرمىز. سەمسەرلەسۋدەن دە جەتىستىك كۇتىلەدى، -دەدى «سپورتشىلار كەڭەسى» قوعامدىق بىرلەستىگىنىڭ جەتەكشىسى ازامات يماشيەۆ Jibek Joly تەلەارناسىنىڭ «بۇگىن Live» باعدارلاماسىندا.
الداعى جارىستاردا قازاقستان ءۇشىن نەگىزگى سىنداردىڭ ءبىرى جەكپە-جەك سپورتتارىندا وتپەك. ساراپشىنىڭ پىكىرىنشە، بۇل باسەكەدە كورەيا مەن جاپونيا قۇرامالارى نەگىزگى قارسىلاستاردىڭ قاتارىندا.
- قازىر قازاقستانعا كورەيا، جاپونيا ناقتى باسەكەلەس. جالپى، سايىسقا قاتىساتىن 558 سپورتشى اسقان دايىندىقپەن، بابىندا كەلگەن، - دەدى سپيكەر.
سونىمەن قاتار ەل قۇراماسىنىڭ دايىندىعى جوعارى دەڭگەيدە باعالانىپ وتىر. جارىس ءوتىپ جاتقان جاپونياداعى قۇبىلمالى اۋا رايىنا قاراماستان، سپورتشىلاردىڭ ونەر كورسەتۋىنە ايتارلىقتاي كەدەرگى جوق.
- ءبىزدىڭ سپورتشىلاردىڭ دايىندىعى دا جوعارى دارەجەدە. 4 التىن پسيحولوگيالىق موتيۆاتسيا بەرىپ جاتىر. دارىگەر، پسيحولوگ، نۋتريتسولوگتەر قاتىسۋشىلارعا دەم بەرۋدە، - دەدى سپيكەر.
ەسكە سالايىق، بۇگىن قازاقستاندىق تەننيسشىلەر مالديۆتى 3:1 ەسەبىمەن ۇتقانى بەلگىلى بولدى.