ەرلەر اراسىندا توپتىق جارىستا الەكسەي لۋتسەنكو، ەۆگەني فەدوروۆ، نيكوليا ۆينوكۋروۆ ەل نامىسىن قورعادى.
قورتىندىسىندا، قازاقستاندىق سپورتشى الەكسەي لۋتسەنكو 4 ساعات 13:11 مينۋت ناتيجە كورسەتىپ، مارەگە ءبىرىنشى بولىپ جەتتى.
وسىلايشا، وتانداسىمىز 6 دۇركىن ازيا چەمپيونى اتانىپ وتىر. ول وسىعان دەيىن ينچحون (2014-جىل)، دجاكارتا (2018-جىل) جانە حاڭجۋ (2023-جىل) ازيا ويىندارىندا جەكەلەي جانە كوماندالىق سىندا ءتورت التىن جانە ءبىر كۇمىس مەدال جەڭىپ العان بولاتىن.
سونىمەن قاتار، الەكسەي لۋتسەنكو ناگوياداعى ازيادادا العاشقى جارىس كۇنى جەكەلەي سىندا توپ جاردى.
تاعى ءبىر قازاقستاندىق سپورتشى ەۆگەني فەدوروۆ 4 ساعات 15:09 مينۋت ناتيجەمەن كۇمىس جۇلدە ەنشىلەدى.
وسىعان دەيىن حابارلاعانىمىزداي، قازاقستان ايەلدەر قۇراماسى ستەند اتۋدان ازيا ويىندارىندا كۇمىس جۇلدە جەڭىپ الدى.
سونداي-اق، جەڭىل اتلەت كريستينا موروزوۆا ەل قورجىنىن كۇمىس مەدالمەن تولىقتىردى.