ازيا ويىندارىندا قازاقستان قورجىنىنا ەكىنشى «التىن» ءتۇستى

قازاقستان حاڭجوۋدا ءوتىپ جاتقان جازعى ازيا ويىندارىندا ەكىنشى التىن جۇلدەسىن يەلەندى، دەپ حابارلايدى قازاقپارات.

تۋريزم جانە سپورت مينيسترلىگىنىڭ مالىمەتىنشە، 10 مەتر قاشىقتىقتان جىلجىمالى نىساناعا وق اتۋ سايىسىندا 18 جاستاعى زۋحارا يرنازاروۆا چەمپيون اتاندى. وتانداسىمىز 560 ۇپاي جيناپ، سولتۇستىك كورەيادان كەلگەن ەكى مەرگەننەن وزىپ كەتتى.

بۇل - ازياداداعى ەلىمىزدىڭ ۇلتتىق قۇراماسى ءۇشىن ەكىنشى التىن مەدال.

ەستەرىڭىزگە سالا كەتەيىك، كەشە اسەم ورىنباي، زويا كراۆچەنكو جانە ولگا پانارينادان جاساقتالعان ستەند اتۋدان قازاقستاننىڭ ايەلدەر كومانداسى «سكيت» جاتتىعۋىندا التىن مەدال جەڭىپ الىپ، ازيا ويىندارىنىڭ رەكوردىن 350 بالعا جەتكىزدى.

«كەرەمەت ناتيجە! زۋحرانى كەز كەلگەن سپورتشى ءۇشىن ماڭىزدى جەڭىسىمەن قۇتتىقتايمىن! بۇل ول ءۇشىن سوڭعى جەتىستىك ەمەس ەكەنىنە سەنىمدىمىن»، - دەدى تۋريزم جانە سپورت ءمينيسترى ەرمەك مارجىقپايەۆ.

اۆتور

ەلميرا ورالبايەۆا