ساناۋلى ساتتەر بۇرىن حاڭجوۋدا ءوتىپ جاتقان ⅩⅨ جازعى ازيا ويىندارىندا بەسسايىستان سىنعا تۇسكەن گەورگي بورودا- دۋدوچكين پاريج وليمپياداسىنىڭ جولداماسىن يەلەندى، دەپ حابارلايدى قازاقپارات سپورتتى دامىتۋ ديرەكتسياسىنىڭ باسپا ءسوز قىزمەتىنە سىلتەپ.
ۇلتتىق قۇراما اتلەتى فينالدا 10-ورىنعا تۇراقتادى. ەرەجە بويىنشا ۇزدىك بەستىككە كىرگەن مەملەكەت جولداماعا يەلىك ەتەدى. گەورگي 10-شى بولعانىمەن ول جاپونيا، وڭتۇستىك كورەيا مەن قىتايدىڭ بىرنەشە سپورتشىسىنا ەسە جىبەردى. بۇل ەلدەن تەك ءبىر عانا ادام ليتسەنزيا الدى. تاعى قازاقستان مەن تايلاند اتلەتىنە ءبىر-ءبىر جولداما بەرىلدى.
قالعان قازاقستاندىق سپورتشىلاردىڭ ناتيجەسى: كيريلل ستادنيك 13-ورىن، پاۆەل لياشەنكو 16-ورىن، تەمىرلان ابدرايموۆ 17-ورىن. جالپى ەسەپتە قازاقستان قۇراماسى 4-ساتىدا.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан