قىتايدىڭ حاڭجوۋ قالاسىندا ءوتىپ جاتقان XIX جازعى ازيا ويىندارىندا سۋ دوبىنان قازاقستان ايەلدەر قۇراماسى ءۇشىنشى كەزدەسۋىندە وڭتۇستىك كورەيادان باسىم ءتۇستى، دەپ حابارلايدى قازاقپارات ءتىلشىسى.
ەل قۇراماسى ءۇشىنشى كەزدەسۋىندە وڭتۇستىك كورەيانى 24:4 ەسەبىمەن جەڭدى.
بۇعان دەيىن قازاقستاندىق سپورتشىلار سينگاپۋردى 12:6 ەسەبىمەن تىزە بۇكتىرىپ، قىتايعا 8:17 ەسەبىمەن ەسە جىبەردى.
ءۇش تۋردان كەيىن ولار 4 ۇپايمەن تۋرنير كەستەسىندە ءۇشىنشى ورىندا تۇر. العاشقى ەكى ورىنداعى قىتايدىڭ – 6، جاپونيانىڭ - 4 ۇپايى بار.
ەندى ەل قۇراماسى 29- قىركۇيەكتە تايلاند، 30-قىركۇيەكتە، 1- قازاندا وزبەكستانمەن كەزدەسەدى.
ەسكە سالساق، ءۇش التىن جۇلدەدەن كەيىن قازاقستان قۇراماسى مەدالدار كەستەسىندە 12-ورىننان 9-ورىنعا كوتەرىلدى.
كوش باسىندا قىتاي، وڭتۇستىك كورەيا، جاپونيا قۇرامالارى كەلەدى.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.