ازيا ويىندارى: شاحماتتان قازاقستان ايەلدەر قۇراماسى ءۇشىنشى ورىن الدى
شاحماتتان قازاقستان ايەلدەر قۇراماسى قىتايدىڭ حاڭجوۋ قالاسىندا ءوتىپ جاتقان ازيا ويىندارىندا قولا جۇلدە الدى، دەپ حابارلايدى قازاقپارات ءتىلشىسى.
قۇراما ساپىندا جانسايا ابدۋمالىك، ءبيبىسارا اساۋبايەۆا، الۋا نۇرمانوۆا، مەرۋەرت كاماليدەنوۆا جانە دينارا ءسادۋاقاسوۆا ەل نامىسىن قورعادى.
ەل قۇراماسى شەشۋشى 9-تۋردا وزبەكستاندى 3:1 ەسەبىمەن جەڭىپ، 3-ورىنعا يە بولدى.
العاشقى ورىنعا قىتاي قول جەتكىزسە، ەكىنشى ورىن ءۇندىستان ەنشىسىنە بۇيىردى.
ەسكە سالساق، بۇدان بۇرىن سۋ دوبىنان ەلىمىزدىڭ ەرلەر قۇراماسى قىتايدىڭ حاڭجوۋ قالاسىندا ءوتىپ جاتقان ازيا ويىندارىندا قولا جۇلدە الدى.
ەل قۇراماسى 3-ورىن ءۇشىن وتكەن ويىندا يرانمەن شەبەرلىك بايقاستى. كەزدەسۋدىڭ نەگىزگى كەزەڭى 7:7 ەسەبىمەن تەڭ اياقتالدى. بۋلليت سەرياسىندا قازاقستاندىق سپورتشىلار 3:2 ەسەبىمەن جەڭىسكە جەتتى.