قىتايدىڭ حاڭجوۋ قالاسىندا ءوتىپ جاتقان ازيا ويىندارىنىڭ ءتورتىنشى جارىس كۇنىندە قازاقستان قۇراماسىنىڭ تۇسكەن العاشقى التىن جۇلدەدەن كەيىن مەدالدار كەستەسىندە قاي ورىندا تۇرعانى بەلگىلى بولدى، دەپ حابارلايدى قازاقپارات ءتىلشىسى.
ازيا ويىندارىندا ستەندتىك اتۋدان قازاقستان ايەلدەر قۇراماسى التىن مەدال جەڭىپ الدى. كوماندا قۇرامىندا زويا كراۆچەنكو، اسەم ورىنباي جانە ولگا پانارينا بار.
ناتيجەسىندە مەدالدار كەستەسىندە قازاقستان قۇراماسى 16-ورىننان 11-ورىنعا كوتەرىلدى. ولاردىڭ ەنشىسىندە 1 التىن، 2 كۇمىس، 7 قولا مەدال بار.
مەدالدار كەستەسىندە قىتاي، وڭتۇستىك كورەيا جانە جاپونيا قۇرامالارى العاشقى ۇشتىكتە كەلەدى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан