ەرتەڭ قازاقستان كومانداسىنىڭ سپورتشىسى جولامان بيعابىل 55 كەلىگە دەيىنگى سالماقتىڭ شيرەك فينالىندا ماحساتۋللو مۋمينوۆپەن (تاجىكستان) كۇش سىناسادى.
بۇل جۇپتىڭ جەڭىمپازى جارتىلاي فينالدا مۇحاممەد تەگار (يندونەزيا) نەمەسە اك احماد مۋنيب حاسيمۋدين (برۋنەي) اراسىنداعى مىقتىمەن كەزدەسەدى. ال حانچجوۋ ازياداسىنىڭ چەمپيونى سوفيا بەرۋلتسيەۆا ( 68 كەلى) شيرەك فينالدا دينا احمەد موستافامەن (ساۋد ارابياسى) ايقاسادى.
كەلەسى كەزەڭدەگى ىقتيمال قارسىلاستار - اريكا گۋرۋنگ (نەپال) نەمەسە يارا ناسەر (يوردانيا). جالپى XX جازعى ازيا ويىندارى كەزىندە كاراتەشىلەر 20-23-قىركۇيەك ارالىعىندا تاتاميگە شىعادى.
باسەكە توەحاسي سپورت زالىندا وتەدى.
ۇلتتىق قۇرامانىڭ وزگە سپورتشىلارى اسەل قاناي (-61 كەلى) مەن ولجاس التىنبەك (-67 كەلى) 21-قىركۇيەكتە، بەللا ساماشيەۆا (-55 كەلى) جانە نۇرقانات ءاجىقانوۆ (-75 كەلى) 22-قىركۇيەكتە تاتاميگە شىعادى.
ايتا كەتەيىك، XX جازعى ازيا ويىندارىنا قازاقستان ۇلتتىق قۇراماسىنىڭ 558 سپورتشىسى قاتىسادى. ولار جارىس باعدارلاماسىنداعى 35 سپورت تۇرىنەن جۇلدەگە تالاسادى.
جاپونيادا جازعى ازيا ويىندارىنىڭ الاۋى جاعىلعانىن جازعان ەدىك.