گازاداعى قۇرباندار سانى 33 مىڭعا جۋىقتادى
21:57, 02 - ءساۋىر 2024
كاير. KAZINFORM - يزرايلدىڭ گازا سەكتورىنداعى اسكەري وپەراتسياسى باستالعالى قازا تاپقان پالەستينالىقتاردىڭ سانى 33 مىڭعا جاقىنداپ، 75 مىڭنان استام ادام جاراقات الدى.
بۇل مالىمەتتەردى پالەستينا انكلاۆىنىڭ دەنساۋلىق ساقتاۋ مينيسترلىگى كەلتىرىپ وتىر، دەپ جازادى ت ا س س اگەنتتىگى.
«وتكەن جىلدىڭ قازان ايىنان بەرى گازاداعى يزرايل اگرەسسياسىنىڭ قۇرباندارى سانى 32916 عا جەتتى، 75494 ادام جاراقات الدى»، - دەلىنگەن ۆەدومستۆونىڭ Telegram-كانالىندا جاريالانعان مالىمدەمەدە.
گازا دەنساۋلىق ساقتاۋ مينيسترلىگى دە «تەك سوڭعى 24 ساعاتتىڭ ىشىندە انكلاۆتا 71 ادام قازا تاۋىپ، 102 ادام جارالانعانىن» اتاپ ءوتتى. قايتىس بولعانداردىڭ كەيبىرىنىڭ دەنەلەرى ءۇيىندى استىندا، قۇتقارۋشىلار ولارعا ءالى جەتە الماي جاتىر.