استانا. قازاقپارات - 2023 -جىلدىڭ 7-قازانىنان بەرى گازا سەكتورىندا ءيزرايلدىڭ جالعاسىپ جاتقان شابۋىلدارى ناتيجەسىندە قازا تاپقان پالەستينالىقتاردىڭ سانى 33482 گە جەتكەن. بۇل تۋرالى انادولى اگەنتتىگى جازدى.
«كەيىنگى 24 ساعات ىشىندە 122 پالەستينالىق يزرايل شابۋىلدارىنىڭ قۇربانى بولعان، تاعى 56 ادام جاراقات الدى. قازا تاپقان ادامداردىڭ دەنەلەرى ءالى قيراعان عيماراتتاردىڭ قيراندىلارى مەن جول جيەكتەرىندە جاتىر. يزرايل كۇشتەرىنىڭ كەدەرگىلەرىنەن جەدەل جاردەم مەن ازاماتتىق قورعانىس توپتارى ولارعا جەتە المايدى»، - دەپ حابارلادى اتالعان ەلدىڭ دەنساۋلىق ساقتاۋ مينيسترلىگى.
سونداي- اق مينيسترلىك 7-قازاننان بەرى جالعاسىپ كەلە جاتقان يزرايل شابۋىلدارىندا قازا تاپقانداردىڭ جالپى سانى 33482 گە، جارالانعاندار سانى 76049 عا جەتكەنىن اتاپ ءوتتى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.