سوڭعى تاۋلىكتە ايماقتاعى اۋرۋحانالارعا 111 جارالى مەن قازا تاپقان 11 ادامنىڭ دەنەسى جەتكىزىلگەن. پالەستينا ەكسكلاۆىندا 2023 -جىلدىڭ 7 قازانىنان بەرى جارالانعانداردىڭ جالپى سانى 116156 عا جەتتى. مىڭداعان قۇربانداردىڭ دەنەسى قيراعان عيماراتتاردىڭ ۇيىندىلەرى استىندا جاتىر، دەپ قوستى ۆەدومستۆو.
يزرايل ارمياسى 19-قاڭتاردا كۇشىنە ەنگەن اتىستى توقتاتۋ كەلىسىمى اياقتالعاننان كەيىن 18-ناۋرىز كۇنى تاڭەرتەڭ بلوكاداداعى گازا سەكتورىنا قارقىندى شابۋىلدارىن قايتا باستادى. سودان بەرى شابۋىلداردا 1574 ادام قازا تاۋىپ، 4115 ادام جاراقات الدى.
ايتا كەتەيىك، بۇعان دەيىن يزرايل ءال-احلي اۋرۋحاناسىنداعى حاماس- تىڭ قولباسشىلىق ورتالىعىنا شابۋىل جاساعانىن جازدىق.
يزرايلدەگى وقىتۋشىلار مەن اسكەري دارىگەرلەر گازاداعى شابۋىلداردى توقتاتۋعا شاقىردى.