بۇگىن ارنايى ەۆاكۋاتسيالىق بورتپەن 99 جولاۋشى - قازاقستان ازاماتتارى مەن ولاردىڭ وتباسى مۇشەلەرى الماتى قالاسىنا امان- ەسەن ۇشىپ كەلدى.
اۋەجايداعى بۇكىل مىندەتتى راسىمدەردەن وتكەننەن كەيىن ەۆاكۋاتسيالانعان ازاماتتارعا ۋاقىتشا باسپانا بەرىلىپ، ولارعا قاجەتتى قۇقىقتىق، مەديتسينالىق جانە وزگە دە كومەك كورسەتىلىپ جاتىر.
ءساتتى ىسكە اسىرىلعان ەۆاكۋاتسيا -قازاقستاننىڭ يزرايلدەگى، يوردانياداعى جانە مىسىرداعى ەلشىلىكتەرىنىڭ وسى ەلدەردىڭ ۋاكىلەتتى ورگاندارىمەن جانە حالىقارالىق ۇيىمدارمەن بىرلەسكەن ۇيلەسىمدى جۇمىسىنىڭ ناتيجەسى.
تاياۋ شىعىس ءوڭىرىنىڭ سىرتقى ساياسي ۆەدومستۆولارىنىڭ باسشىلىعىمەن كەلىسسوزدەر قورىتىندىسى بويىنشا ق ر ءسىم ازاماتتارىمىزدىڭ گازا سەكتورىنان قاۋىپسىز جانە ەش كەدەرگىسىز شىعۋى تۋرالى ۋاعدالاستىققا قول جەتكىزدى.
قازاقستاندىق ديپلوماتتار قاقتىعىس ايماعىندا قالىپ قويعان قازاقستان ازاماتتارىنا كومەك كورسەتۋ جانە ەۆاكۋاتسيالىق ءىس- شارالاردى ۇيىمداستىرۋ جونىندەگى جۇمىستى جالعاستىرادى.