گازا سەكتورىنان مىسىر اۋماعىنا 92 قازاقستان ازاماتى مەن ولاردىڭ وتباسى مۇشەلەرى ءوتتى
بۇگىن ەۆاكۋاتسيانىڭ ءبىرىنشى كەزەڭى جۇزەگە اسىرىلىپ، ناتيجەسىندە «رافاح» باقىلاۋ-وتكىزۋ پۋنكتى ارقىلى گازا سەكتورىنان مىسىر اۋماعىنا 92 قازاقستان ازاماتى مەن ولاردىڭ وتباسى مۇشەلەرى ءوتتى.
بۇل تۋرالى Kazinform ق ر سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.
«قازاقستاندىق ديپلوماتتار وتانداستارىمىزعا بارلىق قاجەتتى كونسۋلدىق-قۇقىقتىق جانە پسيحولوگيالىق كومەك كورسەتتى. شەكاراداعى راسىمدەردەن كەيىن ءبىزدىڭ ازاماتتارىمىز كولوننا قۇرامىندا جولعا شىقتى جانە جاقىن ارادا كاير قالاسىنا جەتەدى»، - دەلىنگەن حابارلامادا.
ايتا كەتەتىن ءجايت، ق ر ازاماتتارىن گازا سەكتورىنان ەۆاكۋاتسيالاۋ كەزەڭ-كەزەڭمەن جۇرگىزىلۋدە. وسى ورايدا قازاقستاندىق ديپلوماتتار يزرايل، مىسىر، پالەستينا ۇلتتىق اكىمشىلىگىنىڭ قۇزىرەتتى ورگاندارىمەن جانە باسقا دا حالىقارالىق ۇيىمدارمەن قالعان وتانداستارىمىزدى انكلاۆتان ەۆاكۋاتسيالاۋ بويىنشا جۇمىستى جالعاستىرادى.
قازاقستاندىقتار گازا سەكتورىنان كايرگە امان-ەسەن جەتكىزىلگەننەن كەيىن ق ر ۇكىمەتى ولاردى ەلگە جەتكىزۋ ءۇشىن ەۆاكۋاتسيالىق بورت جولدايدى.
اۆتور
ايدار وسپاناليەۆ