ايگىلى ءانشى يسا بايزاقوۆ ۇستاعان دومبىرا تابىلدى

استانا. KAZINFORM - داۋىلپاز اقىننىڭ ءوز قولىمەن ۇستاعان مۇنداي جادىگەر وڭىردە تۇڭعىش رەت تابىلىپ وتىر. دومبىرا ەرتىس اۋدانىنان تابىلدى، دەپ حابارلادى turkystan.kz سايتى Pavlodarnews.kz-كە سىلتەمە جاساپ.

مادەنيەت جانە ۇلتتىق سالت-ءداستۇر كۇنىنە وراي بۇقار جىراۋ اتىنداعى ادەبيەت جانە ونەر مۋزەيىندە قالا تۇرعىندارى اقىن، ءانشى-كومپوزيتور يسا بايزاقوۆ ۇستاعان كونە دومبىرامەن تانىستى.

داۋىلپاز اقىننىڭ ءوز قولىمەن ۇستاعان مۇنداي جادىگەر وڭىردە تۇڭعىش رەت تابىلىپ وتىر.

كونە اسپاپ جايىندا يسانىڭ ۇلگىلى اۋىلىنداعى مۋزەيىن العاشقى ۇيىمداستىرۋشى، ارداگەر ۇستاز، قازاق ك س ر حالىق اعارتۋ ءىسىنىڭ وزىق قىزمەتكەرى، «ەرەن ەڭبەگى ءۇشىن» مەدالىنىڭ يەگەرى كۇلاش ابيەۆا اڭگىمەلەپ بەردى.

بۇل دومبىرانى اقىن 1942 -جىلى تۋعان جەرىنە كەلگەندە دوسى ءمۇپتي احمەتوۆكە تارتۋ ەتكەن. بۇل ءوڭىرىمىز ءۇشىن تاڭعالارلىق جاڭالىق بولىپ وتىر. سەبەبى، اقىننىڭ تۋعان جەرىندەگى مۋزەيلەردە مۇنداي جادىگەر جوق، - دەپ اتاپ ءوتتى ارداگەر ۇستاز كۇلاش ابيەۆا.

سونداي-اق كەلەر جىلى تۇلعانىڭ تۋعانىنا 125 جىل تولادى. بۇقار جىراۋ اتىنداعى ادەبيەت جانە ونەر مۋزەيى اقىننىڭ مەرەيتويى قارساڭىندا زەرتتەۋ-ىزدەستىرۋ جۇمىستارىن جۇرگىزۋدە. سونىڭ ءبىر ناتيجەسى - وسى كونە جادىگەر.