ايگىلى بريۋس لي نەدەن كوز جۇمدى؟ - عالىمداردىڭ زەرتتەۋى جاريالاندى

استانا. قازاقپارات - تانىمال اكتەر 1973 -جىلى شىلدەدە جۇمباق جاعدايدا قايتىس بولدى. وسىعان دەيىن ونىڭ ولىمىنە قاتىستى ءتۇرلى بولجامدار ايتىلىپ كەلگەن ەدى، دەپ حابارلايدى Baq.kz.

«ۆەچەرني سانكت-پەتەربۋرگ» باسىلىمى جازعانداي، تانىمال امەريكالىق جانە گونكونگتىق كينو اكتەر جانە جەكپە-جەك شەبەرى بريۋس لي 51 جىلدان استام ۋاقىت بۇرىن گونكونگتا جۇمباق جاعدايدا قايتىس بولدى. يسپاندىق دارىگەرلەر ونىڭ ءولىمىنىڭ سەبەبى سۋمەن بايلانىستى دەپ ەسەپتەيدى.

1973 -جىلى 32 جاستاعى اكتەر قايتىس بولعاننان كەيىن ونىڭ ءولىمىنىڭ سەبەبىن تۇسىندىرۋگە تىرىساتىن ءتۇرلى گيپوتەزالار پايدا بولدى. «بانديتتەر تاپسىرىس بەرىپ ءولتىردى»، «اپتاپ ىستىقتان كوز جۇمدى» دەگەن بولجامدار ايتىلعان ەدى.

مادريد عىلىمي ينستيتۋتىنىڭ قىزمەتكەرى پريستسيللا ۆيلياۆالسو Clinical Kidney Journal جۋرنالىندا بريۋس ليدىڭ ءولىمىنىڭ سەبەبى سۋ، دالىرەك ايتساق، ونىڭ ارتىق مولشەرى بولۋى مۇمكىن دەگەن ماقالا جاريالادى. ماماندار توبىمەن بىرگە ول اۋتوپسيا دەرەكتەرىن تالداپ، اكتەردىڭ سيرەك اۋرۋ - گيپوناتريەميامەن اۋىراتىنىن انىقتادى. اۋرۋ پايدا بولعان كەزدە بۇيرەك ارتىق سۋدى دەنەدەن شىعارا المايدى. وسىلايشا، ليدىڭ باسىنا تىم كوپ سۇيىقتىق جينالعان كورىنەدى.

قازىر ءبىز جالپىعا قولجەتىمدى اقپاراتتى تالداۋ نەگىزىندە ءولىمنىڭ سەبەبى گيپوناتريەميادان تۋىنداعان سەرەبرالدى ءىسىنۋ بولدى دەپ بولجايمىز. باسقاشا ايتقاندا، بۇيرەكتىڭ ارتىق سۋدى كەتىرە الماۋى بريۋس ليدى ءولتىردى دەپ ەسەپتەيمىز، - دەلىنگەن ماتەريالدا.