ايتبەك امانگەلدى تالعاردا توبەلەس كەزىندە قازا تاپقان بالانىڭ وتباسىنا تەگىن 3 ادۆوكات تاۋىپ بەردى

قونايەۆ. قازاقپارات - 4-قازان كۇنى تالعار قالاسىندا بولعان قايعىلى جاعداي قوعامدا ۇلكەن رەزونانس تۋدىردى. 16 جاستاعى شەرزات بولاتتىڭ ولىمىنە قاتىستى ءىس ىشكى ىستەر ءمينيسترىنىڭ جەكە باقىلاۋىندا.

 سونداي-اق، قۇقىق قورعاۋشى ايتبەك امانگەلدى قازا تاپقان جاس ءوسپىرىمنىڭ وتباسىنا ادۆوكاتتار تاۋىپ بەردى.

كىسى قولىنان قازا تاپقان جاس جىگىتتىڭ اتا-اناسى مارقۇم سالتانات نۇكەنوۆانىڭ اعاسى، قۇقىق قورعاۋشى ايتبەك امانگەلدىدەن كومەك سۇراپ، جۇگىندى.

«ءبىز وتباسىعا تەگىن قىزمەت كورسەتۋگە كەلىسكەن ءۇش ادۆوكاتتى ۇسىندىق. قازىر تەرگەۋ ءجۇرىپ جاتىر. ادۆوكاتتار قۇقىق قورعاۋ ورگاندارىمەن بىرگە زارداپ شەككەندەردەن سۇراق-جاۋاپ الۋدا. ءىس بويىنشا ءبىرقاتار ساراپتاما تاعايىندالدى. جانجال كەزىندە جىگىتتىڭ اكەسى مەن اعاسى دا زارداپ شەكتى»، - دەپ اتاپ ءوتتى ايتبەك امانگەلدى.

ايتۋىنشا، كىنالىلەردىڭ ءبارى جازالانۋى كەرەك جانە تەرگەۋ اشىق بولۋى ءتيىس.

مارقۇمنىڭ وتباسىنا ادۆوكات - اسقار قايماقوۆ، كارينا كوشەربايەۆا جانە مارال جايلاۋبايەۆا كومەكتەسەدى. بۇل ىسكە قۇقىق قورعاۋشى سايدا تاۋكەليەۆا دا قوسىلدى.

ەسكە سالايىق، بۇعان دەيىن تالعار قالاسىنداعى توبەلەستەن ءبىر ادام قايتىس بولعانىن جازعانبىز.

كەيىن تالعارلىقتار جاس ءوسپىرىم ولىمىنە بايلانىستى نارازىلىققا شىقتى.

الماتى وبلىسىنىڭ پروكۋراتۋراسى كىسى ءولتىرۋ تۋرالى بۇل ءىس ەرەكشە باقىلاۋعا الىنعانىن رەسمي تۇردە حابارلادى.

ىشكى ىستەر ءمينيسترى ەرجان سادەنوۆ الماتى وبلىسى تالعار اۋدانىنداعى جاس وسپىرىمنىڭ ولىمىنە قاتىستى ءىستى جەكە باقىلاۋىنا الدى.

اۆتور

الما مۇقانوۆا