ايقاسقا ون كۇن قالعاندا قازاقستاندىق بوكسشىنىڭ قارسىلاسى اۋىسىپ كەتتى

استانا. قازاقپارات – قازاقستاندىق كاسىپقوي بوكسشى بالاۋسا مۇزديماننىڭ (6-0، 5 ك و) 5-ساۋىردە استانادا وتەتىن بوكس كەشىندەگى قارسىلاسى اۋىسىپ كەتتى.

باستاپقىدا 27 جاستاعى قازاقستاندىقتىڭ قارسىلاسى كاسىپقوي كارەراسىندا ءالى جەڭىلمەگەن امەريكالىق بوكسشى روزاليندا رودريگەس (14-0، 3 ك و) بولاتىنى حابارلانعان ەدى.

ەندى پروموۋتەرلەر بالاۋسامەن ايقاساتىن جاڭا بوكسشىنىڭ اتى-ءجونىن جاريالاپ وتىر.

«ول - فيليپپيندىك ماريا تەرەزا پينيلي (7-1، 2 ك و). جەكپە-جەك سەگىز راۋندقا ەسەپتەلگەن»، - دەپ جازىلعان حابارلامادا.