استانا. KAZINFORM - استانا پوليتسياسى جانجالقويدى ۇستادى. وقيعا وتكەن تۇندە بولعان. وتباسىلىق جانجالدان تاياق جەگەن ايەل جەدەل جاردەم شاقىرعان.
وقيعا ورنىنا جەدەل جاردەم قىزمەتكەرى كەلگەن كەزدە ەر ادام ماس بولعان. ول مەديتسينا قىزمەتكەرلەرىن بالاعاتتاعان.
پىشاقپەن قورقىتىپ، بولمەنى جاۋىپ، فەلدشەرگە جۇدىرىق الا جۇگىرگەن. مەديتسينا قىزمەتكەرلەرى 102 شاقىرعان.
پوليتسيا جاساعى ەر ادامدى دەرەۋ ۇستاپ، الماتى اۋدانى پوليتسيا باسقارماسىنا جەتكىزدى. پىشاق تاركىلەنىپ الىندى.
مەديتسينالىق كۋالاندىرۋدىڭ قورىتىندىسىنا سايكەس، 25 جاستاعى جانجالقوي ماس بولعان.
وعان اكىمشىلىك ءىس قوزعالدى. كۇدىكتى ۋاقىتشا يزولياتورعا قامالدى.
اۆتور
جانات قاپالبايەۆا
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан