«ادىلەت» پارتياسىنىڭ اتاۋى وزگەرە مە

ونىڭ ايتۋىنشا، AMANAT پارتياسى «ادىلەت» پارتياسىنىڭ قۇرامىنا قوسىلۋ تۋرالى باستاما كوتەرگەن.

- كەشە ءبىزدىڭ ارىپتەستەرىمىز - AMANAT پارتياسى «ادىلەت» پارتياسىنا قوسىلۋعا نيەت ءبىلدىردى. بۇگىن ءبىز بۇل ۇسىنىستى قاراپ، قابىلداۋ تۋرالى شەشىم قابىلدادىق، - دەدى راۋان كەنجەحان ۇلى.

ساياساتكەردىڭ سوزىنشە، بىرىگۋ تۋرالى ساياسي شەشىم قابىلدانعاننان كەيىن پارتيانىڭ اتاۋى رەتىندە «ادىلەت» ساقتالادى. وسىعان بايلانىستى وڭىرلەردەگى پارتيالىق نىسانداردا دا وزگەرىستەر كەزەڭ-كەزەڭىمەن جۇرگىزىلەدى.

- سوندىقتان ماڭدايشالار، لوگوتيپتەر جانە باسقا دا ۆيزۋالدى برەند ەلەمەنتتەرى وزگەرە باستاۋى زاڭدى قۇبىلىس. دەگەنمەن مۇنىڭ ناقتى قاشان جۇزەگە اساتىنى ازىرگە تالقىلانعان جوق، - دەدى ول.

راۋان كەنجەحان ۇلى قازىرگى كەزدە بارلىق ۇدەرىستىڭ قارقىندى ءجۇرىپ جاتقانىن اتاپ ءوتتى.

- بارلىعى وتە جىلدام ءوربىپ جاتىر. بۇگىنگى سەزد جانە قابىلدانعان شەشىم بۇل جۇمىستى باستاۋعا جاقسى سيگنال بولدى دەپ ويلايمىن، - دەدى ول.

سونداي-اق ول وڭىرلەردەگى فيليالداردى قايتا ۇيىمداستىرۋ مەن زاڭدىق راسىمدەۋ جۇمىستارى الداعى ۋاقىتتا كەزەڭ-كەزەڭىمەن جۇزەگە اسىرىلاتىنىن جەتكىزدى.

ايتا كەتەلىك AMANAT اتىنان سايلانعان ءماسليحات دەپۋتاتتارى جۇمىسىن جالعاستىرادى.