قازىر قازاقستاندىق بوكسشىلار پولشادا ءوتىپ جاتقان XXI حالىقارالىق Silesian Open تۋرنيرىنە قاتىسىپ جاتىر. گليۆيتسە قالاسىنداعى جارىس 29-تامىزعا دەيىن وتەدى، وعان 18 ەلدەن 200 گە جۋىق سپورتشى كەلگەن.
«قازىر پولشادامىز. 25-29-تامىز ارالىعىندا گليۆيتسە قالاسىندا ءوتىپ جاتقان XXI حالىقارالىق Silesian Open تۋرنيرىنە قاتىسىپ جاتىرمىز. جارىسقا 18 ەلدەن 200 قاتىسۋشى جينالدى. قىركۇيەكتە الماتى وبلىسىنىڭ جاڭاشار اۋىلىندا وقۋ-جاتتىعۋ جيىنىن وتكىزۋ جوسپارلانعان. ال قازاندا الماتى وبلىسىنداعى وليمپيادالىق دايارلاۋ ورتالىعىندا دايىندىقتى جالعاستىرامىز. بۇل - جاستار اراسىنداعى الەم چەمپيوناتىنا دايىندىقتىڭ نەگىزگى كەزەڭدەرى»، - دەدى جانگەلدى احمەتوۆ.
ايتا كەتەيىك، جاستار اراسىنداعى الەم چەمپيوناتى 14-28-قازان ارالىعىندا چەرنوگوريانىڭ بۋدۆا قالاسىندا وتەدى.