اۋىلدى جەرلەردە باسپانا قۇرىلىسىنىڭ قارقىنى قالاي

استانا. قازاقپارات - بيىلعى قاڭتار-تامىز ايلارى ارالىعىندا قازاقستان اۋىلدارىندا 12184 تۇرعىن ءۇي پايدالانۋعا بەرىلگەن، ولاردىڭ جالپى سوماسى - 304,1 ميلليارد تەڭگە، دەپ حابارلايدى قازاقپارات.

ۇلتتىق ستاتيستيكا بيۋروسىنان ءمالىم ەتكەندەي، 12184 ءۇيدىڭ ىشىندە 12020 جەكە ۇيلەر، 146 - كوپپاتەرلى باسپانالار، قالعان 18 - جاتاقحانالار.

وڭىرلەر اراسىندا سالىنىپ بىتكەن تۇرعىن ۇيلەردىڭ اۋدانى بويىنشا الماتى وبلىسى كوش باستاپ تۇر - 557,3 مىڭ شارشى مەتر. ودان كەيىنگى ورىنداردا تۇركىستان وبلىسى (273,7 مىڭ شارشى مەتر) مەن قىزىلوردا وبلىسى (271,2 مىڭ شارشى مەتر) ورنالاسقان.

ءوسىم قارقىنى بويىنشا ۇلىتاۋ وبلىسى العا شىعىپ وتىر. وندا وتكەن جىلدىڭ قاڭتار-تامىزىمەن سالىستىرعاندا سالىنعان تۇرعىن ۇيلەردىڭ جالپى اۋدانى R,8 ۇلعايدى.

كەرىسىنشە، باياۋ قارقىن قاراعاندى وبلىسىندا بايقالدى - 2022-جىلدىڭ سايكەس كەزەڭىمەن سالىستىرعاندا 1,6 از.

سونىمەن قاتار بيىلعى سەگىز ايدا اۋىلدى جەرلەردە 40 ءبىلىم بەرۋ جانە دەنساۋلىق ساقتاۋ نىسانى پايدالانۋعا بەرىلدى. ونىڭ ىشىندە 17 ورتا مەكتەپ - 4,5 مىڭ ورىندىق، مەكتەپكە دەيىنگى 14 مەكەمە - 1,1 مىڭ ورىندىق جانە 9 دارىگەرلىك امبۋلاتوريا.