ايەلدەرگە ارنالعان ۆاگونى بار جولاۋشىلار پويىزىنىڭ سانى 12 گە جەتتى

استانا. KAZINFORM - «ورال - ماڭعىستاۋ» پويىزىنا قوسىمشا ايەلدەر ۆاگونى ەنگىزىلەدى. بۇل تۋرالى ق ر كولىك مينيسترلىگى تەمىرجول جانە سۋ كولىگى كوميتەتىنىڭ ءتوراعاسى جانىبەك تايجانوۆ ايتتى.

- 1-ماۋسىمنان باستاپ № 614/613 «ورال - ماڭعىستاۋ» پويىزىنا قوسىمشا ايەلدەر ۆاگونى ەنگىزىلەدى. وسىلايشا، جاڭا ۆاگوننىڭ ەنگىزىلۋىمەن «ايەلدەر ۆاگونى» قىزمەتى ۇسىنىلاتىن مارشرۋتتار سانى 12 گە جەتەدى، - دەدى ول و ك ق الاڭىندا.

كولىك مينيسترلىگىنىڭ مالىمەتىنشە، قازىرگى ۋاقىتتا 11 جولاۋشىلار پويىزىندا ايەلدەر ۆاگونى بار. ولار:

* № 77/78 «الماتى - ماڭعىستاۋ»،

* № 351/352 «الماتى - ماڭعىستاۋ»،

* № 45/46 «پاۆلودار - تۇركىستان»،

* № 37/38 «ماڭعىستاۋ - سەمەي»،

* № 47/48 «اتىراۋ - استانا»،

* № 33/34 «اقتوبە - الماتى»،

* № 4/3 «استانا - الماتى»،

* № 71/72 «استانا - شىمكەنت»،

* № 354/353 «استانا - سەمەي»،

* № 24/23 «اقتوبە - الماتى»،

* № 25/26 «الماتى - شىمكەنت»،

* № 614/613 «ورال - ماڭعىستاۋ».

ايەلدەر ۆاگوندارىنا بيلەت تەك ايەل ادامدارعا ساتىلادى، وندا تەك ايەل جولسەرىكتەر قىزمەت كورسەتەدى.

سونداي-اق، بۇل ۆاگوندارمەن 7 جاسقا دەيىنگى ەر بالالاردىڭ قاتىناۋىنا رۇقسات بەرىلەدى.

سونداي-اق ەلىمىزدە الداعى ماۋسىم جانە قىركۇيەك ايلارىندا ەكى جاڭا ەلەكتروپويىز باعدارى اشىلادى.

ودان بولەك 7-ماۋسىمعا دەيىن شيان- الماتى باعىتىندا جولاۋشىلار پويىزى قاتىنايدى.

اۆتور

ەربول جانات