اۋىل تۇرعىنى جەر استىنان شىققان جىلى سۋدىڭ يگىلىگىن كورىپ وتىر

ارىس قالاسىنا قاراستى سىرداريا ەلدى مەكەنىنىڭ تۇرعىنى جەر استىنان شىققان جىلى سۋدىڭ يگىلىگىن كورىپ وتىر، دەپ حابارلايدى 24KZ.

شارۋا 1 گەكتاردان استام القاپقا جەمىس اعاشىن ەگىپ، جىلى سۋمەن سۋارادى. سونىمەن قاتار بىرنەشە توعان قازىپ، بالىق ءوسىرۋدى قولعا العان. سىرداريا ەلدى مەكەنىنىڭ تۇرعىنى ءومىرزاق ومارحانوۆ وسى جەردە تۋىپ- وسكەن. مال شارۋاشىلىعىمەن اينالىسادى. وسىدان 5 جىل بۇرىن تەك مالمەن وتىرماي، باۋ شارۋاشىلىعىن دامىتۋدى قولعا العان. مەملەكەت سۋبسيديا ەسەبىنەن قۇدىق قازىپ بەرىپتى. الايدا جەر استىنان جىلى سۋ شىققان. اۋىل تۇرعىنى العاشىندا ابدىراپ قالعانىن ايتادى.

ءومىرزاق ومارحانوۆ، شارۋا:

- قالاي بۇل 364 مەتردەن جىلى سۋ شىقتى دەپ تاڭعالىپ، باۋدى سۋارىپ كوردىك. ناتيجەسىندە تالىمىز جاقسى جايقالىپ، كوگەردى. بۇل جەردە قازىر 1,5 گەكتارداي جوباسىنا مىڭ ءتۇپ الما اعاشىن ەكتىك. 3 ءتۇرلى سورت. بەس جۇلدىز، پريەۆوسحود، سيميرەنكو. بيىل 5 جىل، نىشانا كورسەتىپ جاتىر. بيىلدان باستاپ سالادى دەپ ويلاپ وتىرمىز. شارۋا جىلى سۋ جەمىس اعاشىنا جاققانىن ايتادى. الايدا ىشۋگە جارامدىلىعىن ءبىلۋ ءۇشىن شىمكەنتتەگى زەرتحاناعا اپارىپ تەكسەرتكەن. ونداعى ماماندار تىرشىلىك ءنارىنىڭ ادام ازعاسىنا ەش زيانى جوق ەكەنىن ايتقان سوڭ ويلانا كەلە، توعان قازىپ، بالىق وسىرۋگە شەشىم قابىلداپتى. بىلتىر كۇزدە شارداراداعى بالىق زاۋىتىنان سازاننىڭ مىڭعا جۋىق شاباعىن اكەلىپ، توعانداعى جىلى سۋعا جىبەرگەن.

جاندوس جۇمابەك، ءتىلشى:

- قىستىگۇنگى قاتتى ايازداردا، باسقا كولدەردىڭ بارلىعىنىڭ بەتىنە مۇز قاتقاندا بۇل سۋ قاتپايدى. بەتى بۋلانىپ جاتادى ەكەن. ماماندار سۋدىڭ تەمپەراتۋراسى سالقىنداعان كەزدە بالىقتار ازىق ىزدەمەي، ۇيقىعا كەتەتىنىن ايتادى. ال مىنا توعاندا سۋ جىلى بولعاندىقتان، بالىقتىڭ ءوسۋ پروتسەسى توقتامايدى. قازىر توعانداعى بالىقتىڭ الدى 2 كەلىگە دەيىن سالماق قوسقان. ەندى 2 ايدان سوڭ ساتىلىمعا شىعادى. اۋىل تۇرعىنى جاقىندا تاعى ەكەن توعان قازىپ، بىرەۋىنە سازاننىڭ 6 مىڭ شاباعىن جىبەرگەنىن ايتادى.

ءومىرزاق ومارحانوۆ، شارۋا:

- سۋدىڭ ءوزى جەڭىل، ءوسۋ كورسەتكىشى جاقسى. كەلەشەكتە العا قويعان ماقسات - سۋدىڭ جىلىلىعىن پايدالانىپ، بيىل كۇزدە شاردارادان 10-15 مىڭ شاباق الىپ، وسى سۋعا سالىپ، قىس بويى ءوسىرىپ، كوكتەمدە، ناۋرىز ايىندا شاباقتاردى وسى توعانعا سالامىز. ارعى جاعىنان تاعى ءبىر جەرىمىزدى قورشاپ، دايىنداپ قويدىق. وسىنى ۇلكەيتسەك پا دەپ، قازىرگى قارقىنىمىز جىلىنا 30 توننانى جوسپارلاپ وتىرمىز. شارۋا جەر استىنان شىعىپ جاتقان تەگىن سۋدى ءتيىمدى پايدالانۋ ءۇشىن ەندى 10 گەكتارعا جوڭىشقا ەگۋدى جوسپارلاپ وتىر. ول ءۇشىن جاڭبىرلاتىپ سۋارۋ تەحنيكاسىندا ساتىپ اكەلىپ قويعانىن ايتادى. جالپى ارىس قالاسى اۋماعىندا بالىق وسىرۋمەن اينالىساتىن 9 سۋ ايدىنى مەن 10 نان اسا توعاندى شارۋاشىلىق بار.

اۆتورلارى: جاندوس جۇمابەك، ەربولات ءابىش.

24.kz