اۋىل شارۋاشىلىعىندا كووپەراتسيانى دامىتۋ تىم باياۋ ءجۇرىپ جاتىر - سەناتور

قازاقستاندا 3248 اۋىل شارۋاشىلىعى كووپەراتيۆى تىركەلگەن. الايدا ولاردى دامىتۋ تىم باياۋ ءجۇرىپ جاتىر. بۇل تۋرالى بۇگىن سەناتتا دەپۋتات ءالي بەكتايەۆ ايتتى، دەپ حابارلايدى Kazinform.

«قازىر قازاقستاندا 3248 اۋىل شارۋاشىلىعى كووپەراتيۆى تىركەلگەن، ونىڭ 1255 ى مال شارۋاشىلىعىمەن، 322 سى وسىمدىك شارۋاشىلىعىمەن، 1671 ى باسقا باعىتتار بويىنشا جۇمىس ىستەپ جاتىر. بيىل «اگرارلىق نەسيە كورپوراتسياسى» ا ق ارقىلى 543 اۋىل شارۋاشىلىعى كووپەراتسيالارىنا 370 ميلليارد تەڭگە قارجى بولىنگەنىن ەسكەرسەك، ءار كووپەراتيۆ ورتا ەسەپپەن 680 ميلليون تەڭگەگە قارجىلاندىرىلعانىن كورەمىز. ياعني كووپەراتسيانى بىرىگىپ، ىرىلەتۋ قاشان دا ءتيىمدى. ال قالعان 2700 دەن استام ۇساق شارۋاشىلىقتاردىڭ تەك %3 عانا جەڭىلدەتىلگەن نەسيە الۋعا شاماسى كەلگەن»، - دەدى ءا. بەكتايەۆ «ەلىمىزدىڭ وڭىرلەرىندەگى اۋىل شارۋاشىلىعى كووپەراتسياسىنىڭ جاي-كۇيى جانە شارۋا قوجالىقتارىن ىرىلەندىرۋ» تاقىرىبىنداعى وتىرىستا.

سەناتوردىڭ ايتۋىنشا، نارىقتى دامىتۋ جاعدايىندا اگروكووپەراتيۆتەردى قۇرۋ وزەكتى بولعانىمەن، ءبىراق وسى كووپەراتسيانى دامىتۋ تىم باياۋ ءجۇرىپ جاتىر.

«بۇل تۇرعىدا ماماندار وسى سالاداعى نەگىزگى پروبلەمالاردى بەلگىلەپ شىقتى. اۋىل شارۋاشىلىعى كووپەراتيۆتەرىن قۇرۋدا ادامداردىڭ بۇل ينستيتۋتقا سەنىمسىزدىگى باقالعان. سونىمەن قاتار وتاندىق ءونىمنىڭ باسەكەگە قابىلەتىنىڭ تومەندىگى ماسەلەسى دە بار. كووپەراتيۆتى تىركەۋ كەزىندەگى قۇجاتتاردىڭ كوپتىگى كەدەرگى جاساپ وتىر. «اۋىل شارۋاشىلىعى كووپەراتيۆتەرى تۋرالى» زاڭ تالاپتارىنىڭ كەمشىلىگىنەن زامان تالابىنا ساي ءتيىستى وزگەرىستەردى قابىلداۋ قاجەت. ءونىمدى دايىنداۋ، ساقتاۋ، باستاپقى وڭدەۋ جانە نارىققا شىعارۋدىڭ دامىماعاندىعى، ساقتاۋ قويمالارىنىڭ بولماۋى، ءونىمدى تاسىمالداۋ لوگيستيكاسىنىڭ ناشارلىعى وسى سالاعا كەرى اسەر ەتىپ وتىر»، - دەدى دەپۋتات.

ءالي بەكتايەۆتىڭ پايىمىنشا، اۋىل حالقىنىڭ «وسى كووپەراتيۆتەردى قۇرۋدىڭ قانداي ارتىقشىلىقتارى مەن پايداسى بار؟» دەگەن سۇراقتارىنا ناقتى جاۋاپ بەرىلمەي جاتىر.