ايەل دەنساۋلىعى ءۇشىن ماڭىزدى 5 ەرەجە

استانا. قازاقپارات – كەز كەلگەن ادام ساۋ ءارى سىمباتتى بولعىسى كەلەدى. اسىرەسە، ايەل ادامنىڭ ءوز دەنساۋلىعىنا كوڭىل بولگەنى ءجون. ايەل دەنساۋلىعى ءۇشىن ماڭىزدى كەڭەستەردى profilaktica.ru سايتى ۇسىنادى.

1. تاڭەرتەڭ ءبىر ستاقان سۋ ءىشىڭىز

ويانعان سوڭ ەڭ الدىمەن ءبىر ستاقان جىلى سۋ ءىشۋ كەرەك. ەگەر سىزگە قاراپايىم سۋدىڭ ءدامى ۇناماسا، ستاقانىڭىزعا ءبىر ءتىلىم ليمون نەمەسە لايم قوسىڭىز. سۋ اعزانى تازارتادى، مەتابوليزم جۇمىسىن جاقسارتىپ، توكسيندەردى شىعارۋعا كومەكتەسەدى.

2. ۇيقىڭىزدى قاندىرىڭىز

ۇيقى رەجيمىنىڭ دۇرىس بولماۋىنان ادام تەز شارشاپ، اشۋشاڭ بولادى. سونداي-اق، شامادان از ۇيىقتاۋ فيزيولوگيالىق پروبلەمالاردى تۋدىرۋى مۇمكىن. زەرتتەۋشىلەردىڭ مالىمەتىنە سۇيەنسەك، ەرەسەكتەر تۇندە 8 ساعات ۇيىقتاۋ كەرەك. تولىققاندى ۇيقى - كۇنىڭىزدىڭ جاقسى ءارى ساپالى وتۋىنە سەبەپ.

3. تاڭەرتەڭ جاتتىعۋ جاساڭىز.

تاڭەرتەڭ ەرتە تۇرىپ دەنە جاتتىعۋلارىن جاساڭىز. كۇندە جۇگىرىڭىز جانە تازا اۋادا ءجۇرىڭىز. بۇل ءسىزدىڭ قانىڭىزدىڭ بۇلشىقەتكە جەتۋىن جەڭىلدەتەدى.

4. تاڭعى اس ءىشىڭىز.

قازاقتا «تاڭعى استى تاستاما» دەگەن ءسوز بار. مۇمكىندىگىنشە ۇيدەن شىعاردا تاماقتانىپ شىعىڭىز. تاڭعى اس - ءساتتى كۇننىڭ كەپىلى.

5. ءومىردى ءسۇيىڭىز.

كوبىرەك دەمالىڭىز. بوس سوزگە ءمان بەرىپ، كۇيزەلىسكە تۇسۋگە جول بەرمەڭىز. بارلىق جاعدايدى جەڭىل قابىلداڭىز. ۇنەمى كۇلىمدەپ ءجۇرىڭىز. ءار وقيعانىڭ تەك جاقسى جاعىنا ءمان بەرىپ ۇيرەنىڭىز.