ايجان ەسماعامبەتوۆا قازاقستاندا قىزىلشانىڭ تارالۋ سەبەبىن ايتتى

دەنساۋلىق ساقتاۋ ۆيتسە- ءمينيسترى، مەملەكەتتىك باس سانيتار دارىگەر ايجان ەسماعامبەتوۆا قازاقستاندا قىزىلشانىڭ تارالاۋىنا نە سەبەپ بولعانىن ءتۇسىندىردى، دەپ حابارلايدى Kazinform اگەنتتىگى.

«قىزىلشا وتە جۇقپالى اۋرۋ، كەز كەلگەن جۇقپالى اۋرۋ ءوزىنىڭ تسيكلدىلىگىمەن سيپاتتالادى، قىزىلشا ءۇشىن تسيكلدىلىگى شامامەن 5-7 جىلدى قۇرايدى. ءبىزدىڭ سوڭعى رەت وسىنداي جاعداي 2019 -جىلى بولدى، حالىقتى جاپپاي يممۋنداۋ دا جۇرگىزىلدى. قازىر ەلىمىزدە قىزىلشاعا شالدىققانداردىڭ 60 پايىزى 5 جاسقا دەيىنگى بالالار. سوندىقتان ءدال وسى جاس ساناتىنداعىلارعا قوسىمشا جاپپاي يممۋنيزاتسيا جاساۋ كەرەك»، - دەدى ا. ەسماعامبەتوۆا سەناتتىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.

ايتا كەتەيىك، قازاقستاندا قىزىلشادان ەكى بالا كوز جۇمعانى حابارلاندى. بۇل وقيعا استانا مەن شىعىس قازاقستان وبلىسىندا بولدى.

ەلىمىزدە قىزىلشا ينفەكسياسىنىڭ تارالۋىنا قارسى جاپپاي يممۋنداۋ ءجۇرىپ جاتىر. بۇگىندە قوسىمشا ۆاكتسينالاۋعا جاتاتىن 1,5 ميلليون ادامنىڭ 608 مىڭنان استامى ەگىلدى، قامتۋ @,5 قۇرادى.