ايفوننىڭ باعاسى ءۇش ەسەگە قىمباتتاۋى مۇمكىن

استانا. قازاقپارات — iPhone ا ق ش- تا قۇراستىرىلاتىن بولسا، باعاسى 3500 ا ق ش دوللارىنا دەيىن شارىقتاۋى ىقتيمال. بۇل تۋرالى CNN- گە سىلتەمە جاساپ Rozetked.me سايتى جازدى.

Apple وتە كۇردەلى ءوندىرىس ەكوجۇيەسىن قايتا قۇرۋى كەرەك جانە بۇل ءۇشىن وراسان زور اقشا سالۋى كەرەك.

CNN جازۋىنشا، ا ق ش پرەزيدەنتى دونالد ترامپ «جۇمىس ورىندارى مەن زاۋىتتار قايتا ورالادى» دەپ مالىمدەدى، ءوز سوزىندە الەم بويىنشا بۇرىن-سوڭدى بولماعان تاريفتەر ەنگىزىلگەنىن ايتىپ ءوتتى.

ەندى ونىڭ كەڭ اۋقىمدى جاھاندىق تاريفتەرى كۇشىنە ەنگەننەن كەيىن، كيىم-كەشەك پەن ەلەكترونيكا سياقتى ونىمدەردىڭ باعاسى قىمباتتاۋى مۇمكىن، جانە بۇل سالماق كوبىنە امەريكالىق تۇتىنۋشىلارعا تۇسەتىن بولادى. تەحنولوگيا سالاسىنداعى ساراپشى، Wedbush Securities قارجى قىزمەتى كومپانياسىنىڭ جاھاندىق تەحنولوگيالىق زەرتتەۋ جەتەكشىسى دەن ايۆس CNN- گە بەرگەن سۇحباتىندا، ەگەر iPhone ا ق ش- تا وندىرىلسە، ونىڭ باعاسى شامامەن 3500 ا ق ش دوللارىنا دەيىن كوتەرىلۋى مۇمكىن ەكەنىن ەسكەرتتى.

پرەزيدەنت پەن ونىڭ ەكونوميكالىق قىزمەتكەرلەرى تاريفتەردىڭ ناتيجەسىندە كوپتەگەن وندىرىستىك جۇمىس ورىندارى ا ق ش- قا قايتا ورالادى دەپ ۋادە ەتتى، بۇل ميلليونداعان امەريكالىقتى جۇمىسپەن قامتۋى ءتيىس.

دەگەنمەن، ايۆس بۇل يدەيانى «قيالداعى ەرتەگى» دەپ اتادى.

ا ق ش- تا جاسالعان iPhone قازىرگى باعاسىنان ءۇش ەسە قىمبات بولۋى مۇمكىن دەپ اتاپ ءوتتى، سەبەبى ازيادا بار كۇردەلى ءوندىرىس ەكوجۇيەسىن ا ق ش- تا قايتالاۋ قاجەت بولادى.

ايۆستىڭ ايتۋىنشا، ا ق ش- قا جەتكىزۋ تىزبەگىنىڭ  ىن عانا كوشىرۋ Apple كومپانياسىنا شامامەن 30 ميلليارد دوللارعا تۇسەدى ءارى بۇعان ءۇش جىل ۋاقىت كەرەك. بۇل تەك سمارتفونداردى قۇراستىراتىن زاۋىتتار سالۋمەن شەكتەلمەيدى، سونىمەن قاتار چيپتەر وندىرىسىنە ارنالعان جوعارى تەحنولوگيالىق فابريكالار دا قاجەت بولادى. قازىرگى ۋاقىتتا بۇل ءوندىرىس TSMC كومپانياسىمەن تايۆاندا جۇرگىزىلەدى. iPhone-نىڭ باسقا قۇرامداس بولىكتەرى دە شەتەلدە وندىرىلەدى. مىسالى، ەكرانداردى وڭتۇستىك كورەيا كومپانيالارى ءوندىرىپ وتىر.

ەسكە سالا كەتەيىك، بۇعان دەيىن ترامپتىڭ تاريفتەرى ازيا مەن ەۋروپا نارىعىنىڭ قۇلدىراۋىنا سەبەپ بولعانىن جازعان ەدىك.