ايدا بالايەۆا قىتايداعى قازاق مادەني ورتالىعىن اشۋعا قايدان قارجى الاتىنىن ايتتى

استانا. KAZINFORM - ماجىلىستە قازاقستان مەن قىتاي ۇكىمەتتەرىنىڭ اراسىندا ءوزارا مادەني ورتالىقتار قۇرۋ تۋرالى كەلىسىمدى راتيفيكاتسيالاۋ تۋرالى» زاڭى جوباسى تالقىلاندى.

قۇجاتتى تانىستىرعان مادەنيەت جانە اقپارات ءمينيسترى ايدا بالايەۆا بەيجىڭنەن اشىلاتىن قازاق مادەني ورتالىعىن اشۋعا قاجەت قاراجاتتى قايدان الاتىنىن ايتتى.

«كوممەرتسيالىق ەمەس ۇيىم نەگىزىندە قۇرىلادى. ال قارجىلاندىرۋ ماسەلەسىنە كەلسەك، مينيسترلىكتە زاڭ جوق، نەگىز جوق. وسى راتيفيكاتسيا تۋرالى زاڭ جوباسى قابىلدانسا، ءبىز بيۋدجەتتەن قارجى قاراستىراتىن بولامىز. قازىرگى تاڭدا ورتالىقتىڭ ورنى رەتىندە بەيجىڭ قالاسىنداعى ارباتتا ورنالاسقان، 700 شارشى مەتر عيماراتتى انىقتادىق. ونىڭ ىشىندە بۇكىل جوندەۋ جۇمىستارىنىڭ ءبارىن دەمەۋشىلىك كوزدەردەن تارتۋدى قاراستىرىپ جاتىرمىز. ال ەندى قۇقىقتىق نەگىز بولعان جاعدايدا رەسپۋبليكالىق بيۋدجەتتەن قاراستىرامىز. ويتكەنى ءار جوبا جۇيەلى جانە ناقتى جۇزەگە اسۋ ءۇشىن، ارينە، ءبىرىنشى كەزەكتە قارجىلاندىرۋ ماسەلەسىن شەشۋ كەرەك»، - دەدى مينيستر.

اۆتور
ەسىمجان ناقتىباي