ايدا بالايەۆا حالىقارالىق بالالاردى قورعاۋ كۇنى قارساڭىندا ۇندەۋ جاريالادى

استانا. KAZINFORM - ق ر مادەنيەت جانە اقپارات ءمينيسترى ايدا بالايەۆا «قازاقستان بالالارى» ۇلتتىق ناۋقانى باستالعانى تۋرالى ۇندەۋ جاريالادى، دەپ حابارلايدى مينيسترلىكتىڭ باسپا ءسوز قىزمەتى.

- قۇرمەتتى دوستار!

بارشاڭىزدى الداعى حالىقارالىق بالالاردى قورعاۋ كۇنىمەن شىن جۇرەكتەن قۇتتىقتايمىن!

مەرەكە قارساڭىندا مەملەكەت باسشىسىنىڭ تاپسىرماسىنا سايكەس «وتباسى - تاربيە باستاۋى!» ۇرانىمەن ونكۇندىك باستالدى. ويتكەنى بالا تاربيەسىندە شەشۋشى ءرول اتقاراتىن - وتباسى. ءدال وسى ورتادا تۇلعانىڭ قابىلەتى دامىپ، بولمىسى قالىپتاسادى.

پرەزيدەنتىمىز بالالاردىڭ ساپالى ءبىلىم الۋى مەن تاربيەسىنە مەملەكەت پەن اتا- انانىڭ ورتاق جاۋاپكەرشىلىگى ماڭىزدى ەكەنىن ۇنەمى ايتىپ كەلەدى. سوتسيولوگيالىق زەرتتەۋلەرگە سايكەس، ازاماتتاردىڭ � ى اتا-انا بولۋدى ومىرىندەگى ەڭ ماڭىزدى قۇندىلىق دەپ سانايدى. ال 85 پايىزى اتا-انا مەن بالا اراسىنداعى ءوزارا تۇسىنىستىكتى - وتباسىلىق ءال-اۋقاتتىڭ نەگىزگى شارتى رەتىندە كورەدى، - دەدى مينيستر.

سونداي-اق ول مەملەكەت ءار بالا تەك ۇيدە عانا ەمەس، قوعامدا دا قامقورلىق پەن سۇيىسپەنشىلىككە بولەنۋى ءۇشىن بارلىق جاعدايدى جاساپ كەلەتىنىن اتاپ ءوتتى.

بۇل باعىتتا ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا مەن مادەنيەت جانە اقپارات مينيسترلىگىنە ماڭىزدى مىندەتتەر جۇكتەلگەن.

ۇلتتىق كوميسسيانىڭ «One-Stop-Service» جوباسى اياسىندا بالالارعا قاتىستى سەكسۋالدىق زورلىق- زومبىلىق وقيعالارىن قامتيتىن 50 گە جۋىق قىلمىستىق ءىس قارالىپ، 700 دەن استام ايەل مەن بالاعا جەدەل كومەك كورسەتىلدى.

شالعاي وڭىرلەرگە قىزمەت كورسەتكەن «سالاماتتى قازاقستان» پويىزى 100 مىڭنان استام ازاماتتى قامتىدى. اسىرەسە كوپبالالى انالار مەن مۇمكىندىگى شەكتەۋلى بالالاردى تاربيەلەپ وتىرعان الەۋمەتتىك وسال وتباسىلارعا ەرەكشە نازار اۋدارىلدى. سونداي- اق، بالالاردىڭ تسيفرلىق قاۋىپسىزدىگى مەن ءسۋيتسيدتىڭ الدىن الۋ بويىنشا ناقتى باستامالار جۇزەگە اسۋدا.

مەملەكەت باسشىسى ءتوراعالىق ەتكەن ءۇشىنشى ۇلتتىق قۇرىلتايدا بەرىلگەن تاپسىرماعا سايكەس، ۇكىمەت «قازاقستان بالالارى» ءبىرىڭعاي باعدارلاماسىن ازىرلەپ جاتىر. بۇل باعدارلاما ەلىمىزدەگى بالالاردىڭ وزەكتى ماسەلەلەرىن شەشۋگە ارنالعان، زاماناۋي سىن-قاتەرلەرگە جاۋاپ بەرەتىن تۇتاس ۇلتتىق جۇيە بولماق.

بيىل مادەنيەت جانە اقپارات مينيسترلىگى بالا تاربيەلەۋگە باعىتتالعان وتاندىق جانە ۇزدىك حالىقارالىق تاجىريبەلەرگە نەگىزدەلگەن «اتا-انا اكادەمياسى» جوباسىن ىسكە قوستى. جاقىن ارادا ارنايى ونلاين پلاتفورما ىسكە قوسىلادى.

- ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا اتىنان بارشا اتا- انالاردى بالالارىنىڭ قىزىعۋشىلىقتارى مەن مۇقتاجدىقتارىنا كوبىرەك كوڭىل بولۋگە شاقىرامىن. باقىتتى ءارى دەنى ساۋ ۇرپاق - ەلىمىزدىڭ باستى ماقتانىشى جانە مەملەكەتىمىزدىڭ وركەندەۋىنىڭ شىنايى كورسەتكىشى. مەرەكەدە بارلىق وتباسىعا باقىت پەن بەرەكە، جانۇيا جىلۋىن تىلەيمىن، - دەدى مينيستر.