استانا. KAZINFORM - سىرتقى ىستەر مينيسترلىگىنىڭ رەسمي وكىلى ايبەك سمادياروۆ بۇرىن قىتاي ازاماتى بولعان قازاقستاندىقتاردىڭ كورشى ەلگە ۆيزاسىز رەجيممەن باراردىڭ الدىندا قانداي ماسەلەلەردى ەسكەرۋى كەرەكتىگىن ايتتى.
«ەگەر قىتاي ازاماتى بولعان كەزدە قۇقىق بۇزۋ ارەكەتى تىركەلگەن بولسا، سونى شەشۋگە تىرىسىڭىزدار. باسقا ايتار ەشقانداي كەڭەس جوق»، - دەدى س ءى م رەسمي وكىلى.
ايبەك سمادياروۆ ونداي مالىمەتتەردى قىتاي ەلشىلىگىنەن بىلۋگە بولاتىنىن جەتكىزدى.
«ول مالىمەتتەردى سول جاقتاعى تۋىسقاندارى ارقىلى دا بىلۋگە بولادى. ال ءبىز ارقىلى بىلە المايسىزدار. نەمەسە قىتاي ەلشىلىگىنە حابارلاسۋ قاجەت. «مەنىڭ قازاقستان ازاماتى رەتىندە قىتاي اۋماعىنا كىرۋگە رۇقساتىم بار ما؟ كەدەرگى كەزىكپەي مە؟» دەپ انىقتاپ بىلسە، بولادى. ايتپەسە، كوبىسى بارعاننان كەيىن عانا بىلەدى»، - دەدى ول.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.