سەزد اياسىندا قازاقستان رەسپۋبليكاسىنىڭ زاڭناماسىنا سايكەس پارتيا قىزمەتىن رەسمي تۇردە باستاۋ ءۇشىن قاجەتتى شەشىمدەر قابىلدانادى. پارتيا ءوز باعدارلاماسىندا «زاڭ مەن ءتارتىپ» قاعيداتى ادىلەتتىلىكتىڭ باستى نەگىزى ەكەنىن اتاپ كورسەتەدى.
قۇرىلتاي سەزىن وتكىزۋ تارتىبىنە سايكەس، سەزدىڭ جۇمىس ورگاندارى سايلاندى. اتاپ ايتقاندا، ەسەپ كوميسسياسى، ماندات كوميسسياسى، سەزد حاتشىلىعى جانە رەداكسيالىق كوميسسيا قۇرىلدى. ءار كوميسسيا ءتوراعادان جانە كەمىندە ءۇش مۇشەدەن تۇرادى.
كۇن تارتىبىندە كوتەرىلگەن العاشقى ماسەلە - «ادىلەت» ساياسي پارتياسىن قۇرۋ تۋرالى بولدى. قۇرىلتاي سەزىنىڭ دەلەگاتتارى پارتيانى قۇرۋعا ءبىراۋىزدان داۋىس بەردى. سونداي-اق پارتيانىڭ اتاۋىن بەكىتۋ ماسەلەسى دە تولىق قولداۋ تاپتى.
- سەزگە قاتىسىپ، داۋىس بەرگەن دەلەگاتتار سانى - 931 ادام. بۇل جالپى دەلەگاتتار سانىنىڭ 94 پايىزىن قۇرايدى. قولدانىستاعى زاڭناما تالاپتارىنا سايكەس ەلىمىزدىڭ بارلىق وڭىرلەرى، رەسپۋبليكالىق ماڭىزى بار قالالار جانە ەل استاناسىنان دەلەگاتتار سەزگە قاتىسىپ وتىر، - دەدى ماندات كوميسسياسىنىڭ ءتوراعاسى لياززات شىڭعىسبايەۆا.
«ادىلەت» پارتياسىنىڭ قۇرىلتاي سەزىنىڭ دەلەگاتتارى ۇيىمنىڭ جارعىسى مەن باعدارلاماسىن دا بەكىتتى. داۋىس بەرۋ ناتيجەسىنە سايكەس قارسى جانە قالىس قالعاندار تىركەلگەن جوق.
پارتيا سەزگە زاڭدا بەلگىلەنگەن 5000 مۇشەلىك مەجەدەن اسىپ، 9312 مۇشەمەن كەلگەن. سونداي-اق ءار وبلىس پەن رەسپۋبليكالىق ماڭىزى بار قالادان كەمىندە 200 مۇشەدەن تىركەلۋ تالابى دا تولىق ورىندالعان.
«ادىلەت» پارتياسىنىڭ نەگىزگى قۇندىلىقتارى رەتىندە ادىلدىك، وتانشىلدىق، جاۋاپكەرشىلىك، ەڭبەكقورلىق جانە دامۋ ايقىندالدى. پارتيا ءوز باعدارلاماسىندا زاڭ السىزگە قاتال، ال كۇشتىگە ىڭعايلى بولماۋعا ءتيىس ەكەنىن ەرەكشە اتاپ وتەدى.
ەسكە سالا كەتەيىك، 15- ساۋىردە باستاماشىل توپ جاڭا پارتيا قۇرۋ تۋرالى رەسمي مالىمدەمە جاساعان بولاتىن. ال 16- ساۋىردە ق ر ادىلەت مينيسترلىگى ءتيىستى حابارلامانىڭ قابىلدانعانىن راستادى. وسىلايشا، 7 -مامىرداعى قۇرىلتاي سەزى ۇيىمدى قۇرۋ جولىنداعى نەگىزگى كەزەڭدەردىڭ ءبىرى بولدى.
استانادا ءوتىپ جاتقان «ادىلەت» پارتياسىنىڭ قۇرىلتاي سەزىندە پارتيا ءتوراعاسى بولىپ قازاقستان رەسپۋبليكاسى پرەزيدەنتى اكىمشىلىگىنىڭ بۇرىنعى باسشىسى ايبەك دادەباي سايلاندى.
بۇل ۇسىنىستى سەزگە قاتىسقان 1000 نان استام دەلەگات ءبىراۋىزدان قولداپ، داۋىس بەردى.
ءوز كەزەگىندە ايبەك دادەباي دەلەگاتتارعا كورسەتىلگەن سەنىم ءۇشىن العىس ايتىپ، قابىلدانعان شەشىمدى ۇلكەن جاۋاپكەرشىلىك رەتىندە قابىلدايتىنىن جەتكىزدى.
سونداي-اق جيىن بارىسىندا جاڭا ساياسي بىرلەستىكتىڭ ساياسي كەڭەسىنىڭ قۇرامى تانىستىرىلدى. بەلگىلى بولعانداي، كەڭەسكە 30 ادام ەنگىزىلگەن.
ولاردىڭ قاتارىندا ايبەك دادەباي، «قازاق تەلەكوم» ا ق باسقارما ءتوراعاسى باعدات مۋسين، بالا قۇقىقتارى جونىندەگى ۋاكىل دينارا زاكيەۆا، كاسىپكەر اندرەي لاۆرەنتيەۆ، «ءادىل ءسوز» ءسوز بوستاندىعىن قورعاۋ حالىقارالىق قورىنىڭ جەتەكشىسى قارلىعاش جامانقۇلوۆا جانە وزگە دە قوعام قايراتكەرلەرى مەن ساراپشىلار بار.
ايبەك دادەباي 2001 -جىلى ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىن ءتامامداعان. 2003 -جىلى وسى ج و و- نىڭ ماگيستراتۋراسىن «ايماقتانۋ ماگيسترى» ماماندىعى بويىنشا اياقتاعان.
سونىمەن قاتار، 2001-2002 -جىلدارى قازاق حالىقارالىق قاتىناستار جانە الەم تىلدەرى ۋنيۆەرسيتەتى حالىقارالىق تۋريزم مەنەدجمەنتى كافەدراسىنىڭ وقىتۋشىسى بولدى.
2008-2011 -جىلدارى ق ر پارلامەنتى سەناتى اپپاراتىنىڭ پارلامەنتارالىق بايلانىستار جانە حالىقارالىق ىنتىماقتاستىق ءبولىمىنىڭ ساراپشىسى، ق ر پارلامەنتىنىڭ سەناتى ءتوراعاسى كومەكشىسىنىڭ مىندەتىن اتقارۋشى.
2011-2013 -جىلدارى ق ر ب ۇ ۇ- داعى تۇراقتى وكىلدىگىنىڭ ءۇشىنشى حاتشىسى، اتتاشە.
2013-2019 -جىلدارى ق ر پارلامەنتى سەناتى ءتوراعاسىنىڭ حاتشىلىعى مەڭگەرۋشىسىنىڭ ورىنباسارى، مەڭگەرۋشىسى.
2019-2021 -جىلدارى ق ر پرەزيدەنتى كەڭسەسى باستىعىنىڭ ورىنباسارى.
2021 -جىلدىڭ مامىرى - 2022 -جىلدىڭ قاڭتار ارالىعىندا ق ر پرەزيدەنتى ءىس باسقارۋشىسىنىڭ ورىنباسارى.
2022 -جىلى ق ر پرەزيدەنتى ءىس باسقارۋشىسى.
2024 -جىلى ق ر پرەزيدەنتى اكىمشىلىگىنىڭ باسشىسى بولدى.
ايتا كەتەيىك، استانا «ادىلەت» پارتياسىنىڭ قۇرىلتاي سەزى ءوتىپ جاتىر.
ەسكە سالساق، 5 -مامىردا ايبەك دادەباي ق ر پرەزيدەنتى اكىمشىلىگىنىڭ باسشىسى لاۋازىمىنان بوساتىلدى.
ونىڭ ورنىنا رومان سكليار ق ر پرەزيدەنتى اكىمشىلىگىنىڭ باسشىسى بولىپ تاعايىندالدى.