استانا. قازاقپارات - ايازدى كۇنى دالادان كەلە سالا ىستىق سۋسىن ءىشۋ تىسكە زيان كەلتىرىپ، كاريەس قاۋپىن ارتتىرۋى مۇمكىن. بۇل تۋرالى «س م-ستوماتولوگيا» كلينيكاسىنىڭ تەراپيەۆت-ستوماتولوگى، پارودونتولوگ پاۆەل لىسەنكوۆ «يزۆەستيا» باسىلىمىنا بەرگەن پىكىرىندە ايتتى.
ماماننىڭ سوزىنشە، سۋىقتا ءتىس ەمالى مەن دەنتين قاتتى سالقىندايدى. ەگەر ۇيگە كىرە سالا ىستىق شاي نەمەسە تاعام تۇتىنىلسا، تەمپەراتۋرانىڭ كۇرت وزگەرۋىنەن ەمال بەتىندە كوزگە كورىنبەيتىن ميكروجارىقتار پايدا بولۋى مۇمكىن. ۋاقىت وتە كەلە مۇنداي زاقىمدار تىستەردىڭ سەزىمتالدىعىن ارتتىرىپ، كاريەستىڭ دامۋىنا قولايلى جاعداي جاسايدى.
سوندىقتان دارىگەر ايازدان كەيىن بىردەن ىستىق ءىشىپ-جەمەۋگە، الدىمەن تىستەردىڭ تەمپەراتۋراسى قالپىنا كەلگەنىن كۇتۋگە كەڭەس بەرەدى. بۇل قاراپايىم ساقتىق ءتىس ساۋلىعىن ساقتاۋعا كومەكتەسەدى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан