اياز كۇشەيەدى: قازاقستاننىڭ سەگىز وبلىسىندا داۋىلدى ەسكەرتۋ جاريالاندى

استانا. KAZINFORM - قازاقستاننىڭ سەگىز وبلىسىندا 18- اقپاندا داۋىلدى ەسكەرتۋ جاريالاندى، دەپ حابارلايدى «قازگيدرومەت» ر م ك.

جەتىسۋ وبلىسىنىڭ الاكول كولدەرى ايماعىندا جەل سولتۇستىك-شىعىستان ەكپىنى 15-20، كەي ۋاقىتتا 23-28 م/س كۇشەيەدى.

الماتى وبلىسىنىڭ تاۋلى ايماقتارىندا كەي جەرلەردە تۇمان تۇسەدى. وبلىستىڭ باسىم بولىگىندە تۇندە 25 گرادۋس اياز بولادى. الماتىدا تۇندە 25 گرادۋسقا دەيىن اياز كۇشەيەدى. قونايەۆتا دا تۇندە 25 گرادۋسقا دەيىن قاتتى اياز بايقالادى.

تۇركىستان وبلىسىنىڭ تاۋلى ايماقتارىندا قالىڭ قار جاۋادى.

اقتوبە وبلىسىندا شىعىستان، وڭتۇستىك-شىعىستان وبلىستىڭ وڭتۇستىگىندە جەل سوعادى، ەكپىنى - 15-18 م/س.

قىزىلوردا وبلىسىندا سولتۇستىك-شىعىستان، سولتۇستىكتەن - 15-20، وبلىستىڭ شىعىسىندا ەكپىنى 25 م/س جەل سوعادى دەپ كۇتىلۋدە. قىزىلوردادا سولتۇستىك-شىعىستان 15-20 م/س جەل سوعادى.

ۇلىتاۋ وبلىسىنىڭ وڭتۇستىگىندە سولتۇستىك-شىعىستان جەلدىڭ ەكپىنى 15-20 م/س بولادى. تۇندە وبلىستىڭ شىعىسىندا 35 گرادۋستىق قاتتى اياز ساقتالادى.

قاراعاندى ​​وبلىسىنىڭ باسىم بولىگىندە قاتتى اياز 35-38 گرادۋسقا دەيىن تومەندەيدى. قاراعاندىدا تۇندە 35 گرادۋسقا دەيىن قاتتى اياز كۇتىلۋدە.

پاۆلودار وبلىسىنىڭ شىعىسىندا جانە وڭتۇستىگىندە تۇمان تۇسەدى.