اياز: شىعىس قازاقستاندا بىرنەشە جولدا كولىك قوزعالىسى شەكتەلەدى

شىعىس قازاقستان وبلىسىندا كۇن كۇرت سۋىتۋىنا بايلانىستى بىرنەشە جولدا كولىك قوزعالىسى شەكتەلەدى، دەپ حابارلايدى Kazinform.

ش ق و توتەنشە جاعدايلار دەپارتامەنتىنىڭ مالىمەتىنە سۇيەنسەك، 15-جەلتوقساندا ساعات 21.00-دەن باستاپ رەسپۋبليكالىق ماڭىزى بار 2 تاسجولدا قوعامدىق كولىكتەردىڭ جانە ديزەلمەن جۇرەتىن اۆتوكولىكتەردىڭ قوزعالىسىنا تىيىم سالىنادى.

«اتاپ ايتقاندا، «وسكەمەن- شەمونايحا- رەسەي فەدەراتسياسىنىڭ شەكاراسى» تاسجولىنىڭ 15-102 شاقىرىمىندا، «وسكەمەن- التاي- ۇلكەن نارىن- كاتونقاراعاي- راحمان قاينارلارى» تاسجولىنىڭ 6-166 شاقىرىمىندا شەكتەۋ ەنگىزىلدى»، - دەلىنگەن اقپاراتتا.

سونداي-اق ءدال وسىنداي كولىك تۇرلەرىنە وبلىستىق ماڭىزى بار «شەمونايحا- سەكيسوۆكا» تاسجولىنىڭ 0-54 شاقىرىمىندا ساعات 19.00-دەن باستاپ قوزعالىسقا تىيىم سالىنادى.