استانا. KAZINFORM - باس كولىك پروكۋراتۋراسىنىڭ ءوتىنىشحاتى بويىنشا سوت جالپى سالماعى 2,8 كەلى، التىن قۇرامى %99 دان اساتىن جانە قۇنى 182,3 ميلليون تەڭگە تۇراتىن 6 التىن قۇيمانى سوتقا دەيىن تاركىلەدى.
باس كولىك پروكۋراتۋراسى مالىمەتىنشە، التىن مەملەكەت كىرىسىنە اينالدىرىلدى. قاۋلى زاڭدى كۇشىنە ەندى.
قىرعىزستان ازاماتشاسى قۇيمالاردى ءوز ەلىندە ساتىپ الىپ، ولاردى قىتايعا ارى قاراي زاڭسىز وتكىزۋ ءۇشىن «قورداي اۆتو» وتكىزۋ پۋنكتى ارقىلى قازاقستانعا كىرگىزگەن.
كەدەندىك جانە شەكارالىق باقىلاۋدان جاسىرۋ ماقساتىندا ول اياق كيىمىنىڭ ۇلتاراعىنىڭ استىنا ءۇش التىن قۇيمادان جاسىرىپ قويعان. «قورعاس» ح ش ى و اۋماعىندا باقىلاۋدان ءوتۋ كەزىندە التىن تابىلىپ، تاركىلەندى.
سوتقا دەيىنگى تەرگەپ-تەكسەرۋ جالعاسىپ جاتىر.
استاناعا 3 كەلى مەفەدرون جەتكىزبەك بولعان ەكى ادام ۇستالعانىن جازعان ەدىك.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.