بۇل تۋرالى اقوردا حابارلادى.
قۇجاتتا مەملەكەتتىڭ بۇكىل اسكەري جۇيەسىنىڭ تيىمدىلىگىن ارتتىرۋعا باعىتتالعان ينستيتۋتسيونالدىق وزگەرىستەر كوزدەلگەن.
اتاپ ايتقاندا، قارۋلى كۇشتەردىڭ قۇرىلىمى مەن قۇرامىن قايتا قاراۋ، باسقارۋ جانە قورعانىستى جوسپارلاۋ تەتىكتەرىن جەتىلدىرۋ، ۇشقىشسىز جۇيەلەر كۇشتەرىن قۇرۋ، سونداي-اق ارميانىڭ نەگىزگى كومپونەنتتەرىن نىعايتۋ جوسپارلانىپ وتىر.
بۇل رەفورمانىڭ ماڭىزدى اسپەكتىسى - مەرزىمدى اسكەري قىزمەتتىڭ ەكى كەزەڭنەن تۇراتىن ۇلگىسىنە كوشۋ. اسكەرگە شاقىرىلعاندار العاشقى التى ايدا وقۋ ورتالىقتارىندا دايارلىقتان وتەدى. كەيىنگى التى ايدا تىكەلەي اسكەري بولىمدەردە قىزمەت ەتەدى. بۇل كەزەڭدە جاۋىنگەرلىك دايارلىققا جانە بولىمشەلەر قۇرامىندا مىندەتتەردى ورىنداۋعا باسىمدىق بەرىلەدى.
اسكەري قىزمەتشىلەردىڭ قاۋىپسىزدىگىن قامتاماسىز ەتۋگە جانە قۇقىقتارىن قورعاۋعا ەرەكشە نازار اۋدارۋ قاجەت.
اسكەري كونسۋلتانتتار مەن اسكەري قىزمەتشىلەر ىستەرى جونىندەگى ۋاكىل ينستيتۋتتارىن قۇرۋ جوسپارلانىپ وتىر. سونداي-اق جارعىعا ساي كەلمەيتىن ءىس-ارەكەتكە جول بەرمەۋ جانە اسكەري ءتارتىپتى كۇشەيتۋ شارالارى قابىلدانادى.
سونىمەن قاتار «ادال ازامات» تۇجىرىمداماسىنا نەگىزدەلگەن «جاس ايبىن» ءبىرىڭعاي اسكەري-پاتريوتتىق دايارلىق جۇيەسىن دامىتۋ، مامانداندىرىلعان اسكەري مەكتەپتەر جەلىسىن كەڭەيتۋ جانە باستاپقى اسكەري دايارلىقتى جەتىلدىرۋ كوزدەلگەن.
قاۋىپسىزدىك كەڭەسى وتىرىسىنداعى نەگىزگى - ماسەلە اسكەري رەفورما جوسپارىنىڭ جوباسى.