استانا. KAZINFORM - اي سايىن جالاقىڭىزدان 10 مىڭ تەڭگەنى دەپوزيتكە اۋدارىپ وتىرساڭىز، ءبىر جىلدا 120 مىڭ تەڭگە جينايسىز. بەس جىلدا بۇل سوما 600 مىڭ تەڭگەگە، ال ون جىلدا 1,2 ميلليون تەڭگەگە جەتەدى. بۇل - بانكتىڭ سىياقىسىن ەسەپتەمەگەندەگى قاراجات.
ەگەر دەپوزيتتىڭ جىلدىق ءتيىمدى سىياقى مولشەرلەمەسى بولىپ، پايىزدار اي سايىن كاپيتالداندىرىلسا، ون جىلدا شامامەن 2,6 ميلليون تەڭگە جيناۋعا بولادى. ونىڭ 1,2 ميلليون تەڭگەسى - ءوزىڭىز سالعان اقشا، قالعان 1,4 ميلليون تەڭگەسى - بانكتىڭ سىياقىسى. بۇل ەسەپ مولشەرلەمە ون جىل بويى وزگەرمەيدى دەگەن بولجامعا نەگىزدەلگەن.
قارجى جيناۋدىڭ باستى ارتىقشىلىعى - از سومادان باستاپ، تۇراقتى تۇردە اقشا جيناۋ داعدىسىن قالىپتاستىرۋ. اي سايىنعى 10 مىڭ تەڭگە كۇندەلىكتى شىعىندار اراسىندا ەلەۋسىز كورىنگەنىمەن، بىرنەشە جىلدان كەيىن قوماقتى قاراجاتقا اينالۋى مۇمكىن. دەگەنمەن ينفلياتسيانىڭ اسەرىنەن جينالعان اقشانىڭ ساتىپ الۋ قابىلەتى تومەندەۋى ىقتيمال.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан