اتىراۋلىق اسپاز جايىق جاعالاۋىن بەكىتىپ جۇرگەندەرگە تەگىن تاماق ازىرلەدى

اتىراۋ. KAZINFORM - اتىراۋداعى مەيرامحانانىڭ باس اسپازى جايىق وزەنىنىڭ جاعالاۋىن بەكىتىپ جۇرگەندەرگە تەگىن تاماق ازىرلەدى.

اتىراۋ وبلىسى جەدەل شتابىنىڭ اقپاراتىنا سۇيەنسەك، بارماعىنان بال تامعان جەرگىلىكتى اسپاز باعدات قادىروۆ مۇنايلى شاھارداعى

«CJ-cafe» ،«SHarbaq» مەيرامحانالارىندا جۇمىس ىستەيدى.

ونىڭ اسپاز بولعانىنا 15 جىل وتكەن. جۇمىسىنا قوسا فۋد-بلوگەرلىكپەن اينالىسادى.

«جەرگىلىكتى اسپاز باعدات قادىروۆ جايىق وزەنىنىڭ جاعالاۋىن بەكىتۋگە جۇمىلعان ازاماتتارعا تۇسكى جانە كەشكى اس دايىنداپ بەرىپ ءجۇر. ول تاماقتى ءوز قاراجاتى ەسەبىنەن دايىندايدى. اتىراۋ قالاسىنىڭ ماڭىنداعى ەركىنقالا، دامبى، تالعايران ەلدى مەكەندەرىندە، ماحامبەت اۋدانىنىڭ تالدىكول اۋىلىندا اسپازدىق ەتتى. اسپاز جىگىت بۇل قادامعا ءوز قالاۋىمەن بارعان»، - دەپ حابارلادى وبلىستىق جەدەل شتاب.

وتكەن جىلى باعدات قادىروۆ انتاليادا وتكەن الەمدىك اسپازدار سايىسىنا قاتىسقان. سول سايىتا 750 اسپازدىڭ اراسىنان جەڭىمپاز اتانعان.

فوتو: اتىراۋ وبلىسىنىڭ جەدەل شتابى

اۆتور
جولداسبەك شوپەعۇل