اتىراۋداعى قۇلسارى قالاسىنان 12 مىڭنان استام ادام ەۆاكۋاتسيالاندى

اتىراۋ. KAZINFORM - اتىراۋ وبلىسىنداعى قۇلسارى قالاسىنان 12 مىڭنان استام ادام ەۆاكۋاتسيالاندى. اتىراۋ وبلىستىق جەدەل شتابتىڭ مالىمەتىنە سۇيەنسەك، جىلىوي اۋدانىندا توتەنشە جاعداي جاريالانىپ، تۇرعىنداردى ەۆاكۋاتسيالاۋ جۇمىستارى ءجۇرىپ جاتىر.

«قۇلسارى قالاسىنان 12 مىڭنان استام ادام قاۋىپسىز ورىنعا كوشىرىلدى. ەۆاكۋاتسيالانعان ادامداردىڭ 5 مىڭى - بالالار. تۇرعىندار اتىراۋ قالاسىنا، جىلىوي اۋدانىندا ورنالاسقان «تەڭىز كەن ورنىنداعى ۆاحتالىق قالاشىققا جانە ماڭعىستاۋ وبلىسىنىڭ بەينەۋ اۋدانىنا ەۆاكۋاتسيالاندى»، - دەپ حابارلادى وبلىستىق شتابتان.

ەسكە سالا كەتەلىك، بۇدان بۇرىن تاسقىن سۋدىڭ قاۋپىنە بايلانىستى جىلىوي اۋدانىندا توتەنشە جاعداي جاريالاندى.

كۇندىز قۇلسارىدان دوسسورعا دەيىنگى جولدىڭ ءبىر بولىگىن سۋ باستى. كەشە تاسقىن سۋ قۇلسارى قالاسىنا كىرە باستاعانىن حابارلاعان ەدىك.

اتىراۋ وبلىسىنىڭ اكىمى قاۋىپ ءالى سەيىلمەگەنى، جاعداي وتە كۇردەلى ەكەنىن ايتقان ەدى.

سۋ باسقان قۇلسارىداعى اۋرۋحانادان 77 ناۋقاستى ماڭعىستاۋ وبلىسىنا اپاراتىنىن جازعان بولاتىنبىز.

اۆتور
جولداسبەك شوپەعۇل