اتىراۋدا جولاۋشىلار پويىز جولسەرىگىنە سالا قۇلاش بيلەت كورسەتكەن

اتىراۋدا جولاۋشىلار پويىز جولسەرىگىنە ۇلكەن فورماتتا شىعارىلعان بيلەتتى ۇسىنعان. مۇنى جۇرتشىلىق ءازىل رەتىندە قابىلدادى، دەپ حابارلايدى Kazinform.

بۇل تۋرالى WhatsApp مەسسەندجەرىندە، تيكتوك قوسىمشاسى مەن Instagram الەۋمەتتىك جەلىسىندەگى afishi_atyrau پاراقشاسىندا ۆيدەو تارادى.

وندا جولاۋشىلاردىڭ جولسەرىككە وزگەشە فورماتتاعى بيلەتتەردى ۇسىنعانى تۇسىرىلگەن. جولسەرىك تىم ۇلكەن بيلەتتەن جولاۋشى تۋرالى دەرەكتى تەركسەرىپ تۇر.

«TikTok-تا مىناداي ۆيدەو پايدا بولدى. «اتىراۋ- اقتوبە» باعىتىنداعى پويىزدىڭ جولاۋشىلارى ۇلكەن بيلەتتەردى باسىپ شىعارۋعا شەشىم قابىلدادى» دەپ جازىلعان پاراقشادا.

ال، ۆيدەو اۆتورى «پويىز بيلەتىن باسىپ شىعارۋدى سۇراعاندا...» دەپ جازبا قالدىرعان.

جۇرتشىلىق مۇنى جاڭاجىلدىق ءازىل رەتىندە قابىلداپ، ءتۇرلى پىكىر قالدىرىپ جاتىر.

ەسكە سالا كەتەيىك، بۇعان دەيىن اتىراۋدا ءبىر تاۋلىكتە 30 ءسابي ومىرگە كەلگەنىن جازعان بولاتىنبىز.