كۇدىكتىگە قاتىستى ق ر قىلمىستىق كودەكسىنىڭ 99-بابى 2-بولىگىنىڭ 1-تارماعىنا سايكەس، ياعني ەكى جانە ودان دا كوپ ادامنىڭ ءولىمى، مال ساتۋ، كارتالاردى جىمقىرۋ سىندى دەرەكتەرى بويىنشا ق ر قىلمىستىق كودەكسىنىڭ 188 جانە 190-بابى بويىنشا قىلمىستىق ءىس قوزعالعان ەدى.
قازىرگى ۋاقىتتا سۇلتان سارسەماليەۆ قاماۋدا وتىر.
الدىن الا مالىمەت بويىنشا، ءىس وسى ايدا سوتقا جىبەرىلەدى. كەيىن سوت پروتسەسى باستالادى.
بۇعان دەيىن سوت مەديتسينالىق ساراپتاماسى مەن تەرگەۋ بارىسىندا انىقتالعان دالەلدەرگە سايكەس ناۋرىز مۇقانعاليەۆتىڭ 2025 -جىلدىڭ مامىر ايىندا قايتىس بولعانى انىقتالدى. ال قالعان ۇشەۋى قاراشا ايىندا كوز جۇمعان.
ساراپتاما سۇلتان سارسەماليەۆتى دەنى ساۋ دەپ تانىعان ەدى.
ەسكە سالايىق، ناۋرىز ايىندا ايىپتالۋشى سوت سانكتسياسىمەن ەكى ايعا قاماۋعا الىنعان ەدى.
كوپتى شوشىتقان قاندى قىلمىس تۋرالى العاش رەت جانگەلدين اۋىلىندا تۇراتىن وتباسى 2025 -جىلدىڭ سوڭىنا بەلگىسىز جاعدايدا جوعالىپ كەتكەننەن كەيىن بەلگىلى بولدى.
6-قاڭتاردا اتىراۋ وبلىسى اۋماعىنان جوعالعان وتباسىنىڭ ەكى مۇشەسىنىڭ - وتاعاسى ماقسوت قارابالين مەن ونىڭ جۇبايى ءناسىپ وتەشقاليەۆانىڭ دەنەسى سارايدان تابىلدى.
كەيىن ولاردىڭ دەنەلەرىندە پىشاق ىزدەرى بارى انىقتالدى.
9-قاڭتاردا اتىراۋ وبلىسىندا وتباسى مۇشەلەرىن ءولتىردى دەگەن كۇدىككە ىلىنگەن مارقۇمداردىڭ كۇيەۋ بالاسى سۇلتان سارسەماليەۆ ەكەنى رەسمي تۇردە بەلگىلى بولدى.
سونداي-اق جوعالعان وتباسى تۋرالى تىڭ دەرەكتەردى الەۋمەتتىك جەلى ارقىلى تاراتقان حاكەرگە حالىقارالىق ىزدەۋ جاريالانعان ەدى.
قاندى قىلمىسقا قاتىسى بولۋى مۇمكىن دەگەن كۇدىككە سول ءۇيدىڭ قىزى دا ءىلىندى.
كۇدىكتىلەر اقپان ايىنىڭ سوڭىندا يندونەزيا رەسپۋبليكاسىنىڭ لومبوك ارالىنداعى سەنارۋ اۋىلىندا اسا اۋىر قىلمىس جاسادى دەپ كۇدىككە ىلىنگەندەر ۇستالعان ەدى.
ەكى كۇدىكتىنىڭ شەتەلدە قالاي ۇستالعانى جونىندە ۆيدەو جاريالاندى.
بىرنەشە كۇننەن كەيىن ولار اتىراۋ قالاسىنا جەتكىزىلدى.
كەيىن پوليتسيا اتىراۋ وبلىسى جانگەلدين اۋىلىندا ءبۇتىن ءبىر وتباسىنى ءولتىردى دەگەن كۇدىككە ىلىنگەن سۇلتان سارسەماليەۆتى اتا-ەنەسىن ولتىرگەن ۇيگە اپاردى. ول تەرگەۋشىلەرگە قىلمىستى قالاي جاساعانىن كورسەتىپ، سۇراقتارعا جاۋاپ بەرگەن.
ىشكى ىستەر مينيسترلىگى جاريالاعان ۆيدەودان سۇلتان سارسەماليەۆتىڭ قالادا جالداپ تۇرعان ءۇيىنىڭ ىرگەسىنەن قازعان شۇڭقىردى كورسەتكەنىن بايقاۋعا بولادى. 29 جاستاعى كۇدىكتى بۇرىنعى ايەلىنىڭ اعاسى ناۋرىز مۇقانعاليەۆ پەن مەيرامگۇل قارابالينانى سول جەرگە كومىپ كەتكەن.