اتىراۋ وبلىسىندا قۇتقارۋشى-پسيحولوگتار ەۆاكۋاتسيالانعان ادامدارعا كومەكتەسىپ جاتىر
07:40, 09 - ءساۋىر 2024
اتىراۋ. KAZINFORM - اتىراۋ وبلىسىنىڭ قۇتقارۋشىلارى سۋ تاسقىنىمەن كۇرەسىپ قانا قويماي، تۇرعىندارعا پسيحولوگيالىق كومەك كورسەتىپ جاتىر.
الەۋمەتتىك قىزمەتكەرلەر مەن پسيحولوگتاردان قۇرالعان توپ سونىڭ ىشىندە ت ج د پسيحولوگيالىق قىزمەت توبى ەۆاكۋاتسيالىق پۋنكتتەردى ارالاپ ءجۇر. پسيحولوگتار سۋ تاسقىنىنان زارداپ شەككەن جىلىوي اۋدانى قۇلسارى قالاسىنىڭ تۇرعىندارمەن اڭگىمەلەسىپ جاتىر.
«بۇل جاعدايدا پسيحولوگيالىق كومەك ادامدارعا ءوز جاعدايىن جەتكىزۋگە كومەكتەسۋ، ولاردى تىڭداۋعا مۇمكىندىك بەرۋ جانە دەر كەزىندە اقپاراتتىق كومەك كورسەتە ءبىلۋ ءۇشىن جۇرگىزىلەدى»، - دەلىنگەن ت ج م حابارلاماسىندا.
بۇعان دەيىن اتىراۋ وبلىسىنان ماڭعىستاۋعا كوشىرىلگەن تۇرعىندار سانى ارتقانىن جازعان بولاتىنبىز.
قۇلسارى قالاسىنان 33 مىڭنان استام ادام كوشىرىلدى.