اتىراۋ وبلىسىندا 53 اۋىل ىشىمدىكتەن باس تارتتى

فوتو: فوتو: freepik.com

استانا. قازاقپارات - اتىراۋ وبلىسىندا 53 اۋىلدا ىشىمدىك ساتىلمايدى، - دەپ حابارلايدى 24KZ.

يندەر اۋدانىنا قاراستى قۇرىلىس اۋىلى تۇرعىندارىنىڭ باستاماسىنا وڭىردەگى ەلدى مەكەندەر وسىلاي ءۇن قوسقان. مۇنداعى دۇكەندەردە اراق-شاراپ ساتىلمايدى، تويلار مەن وتباسىلىق مەرەكەلەر ىشىمدىكسىز وتەدى.

بۇل اۋىلدا وتكەن ەكى جىلدا بىردە-ءبىر بۇزاقىلىق، قىلمىس تىركەلمەپتى. ۇساق كيكىلجىڭدەر اقساقالدار القاسىمەن شەشىلەدى. سالاۋاتتى ءومىر سالتىن ۇستانۋدىڭ ۇلگىسىن ۇسىنعان قۇرىلىس اۋىلى حالقىنىڭ باستاماسى بۇگىندە وبلىس تۇرعىندارى اراسىندا كەڭ قولداۋ تابا باستاعان.

«وسى ۇلگىنى وبلىسىمىزداعى باسقا اۋداندارعا جولداپ، قازىر قىزىلقوعا اۋدانىندا 17 ەلدى مەكەن، قۇرمانعازى اۋدانىندا 16 ەلدى مەكەن ىشىمدىكتەن باس تارتتى. سول اۋىلداعى اقساقالدار، اۋىلدىق اكىمدىك، بەلسەندى ازاماتتار جينالىس جاساپ، وسىنداي شەشىم قابىلداپ وتىر»، - دەدى اتىراۋ وبلىستىق پ د باستىعىنىڭ ءبىرىنشى ورىنباسارى ءابدىعاني سەيدۋاليەۆ.

ەسكە سالايىق، بۇعان دەيىن تۇركىستان وبلىسىندا 27- اۋىل ىشىمدىك ساتۋدان باس تارتقانى حابارلاندى.