استانا. KAZINFORM - قىتايدىڭ چجاوتسين قالاسىندا ءوتىپ جاتقان سۋ دوبىنان ازيا چەمپيوناتىنىڭ كەزەكتى جارىس كۇنىندە قازاقستان ايەلدەر قۇراماسى تۋرنير قوجايىندارىمەن كەزدەسىپ، 6:21 ەسەبىمەن ويسىراي جەڭىلدى.
ەرتەڭ وتانداستارىمىز جاپونيا قۇراماسىمەن، ال 2-ناۋرىز كۇنى وزبەكستانمەن شەبەرلىك بايقاسادى.
ازيا چەمپيوناتىنىڭ فينالىنا شىققان قوس ۇجىم شىلدە ايىندا سينگاپۋردە وتەتىن الەم چەمپيوناتىنا جولداما الادى.
ەستەرىڭىزگە سالا كەتەيىك، وسىعان دەيىن قازاقستاندىق ارۋلار ءبىرىنشى ويىندا سينگاپۋر قۇراماسىن 12:6 ەسەبىمەن جەڭسە، ەكىنشى ويىندا دا گونكونگ قۇراماسىن 25:6 ەسەبىمەن باسىم تۇسكەن ەدى.
جالپى ايەلدەر اراسىندا سۋ دوبىنان قازاقستان، قىتاي، جاپونيا، سينگاپۋر، وزبەكستان، گونكونگ قۇرامالارى سىنعا ءتۇسىپ جاتىر.
اۆتور كۇنسۇلتان وتارباي
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.