استانا. KAZINFORM - «ورازا قابىل بولسىن!» باعدارلاماسى: ءدىنتانۋشى نۇرلان بايجىگىت ۇلى قازاقتىڭ ىرىم-تىيىمدارىن تەرەڭنەن تالدادى. جىلدار بويى داستۇرگە اينالعان «بالام ءانشى بولسىن» دەپ اۋزىنا تۇكىرتۋ ىرىمىنىڭ ورىنسىز ەكەنىن شاريعاتپەن دالەلدەپ بەردى.
«بۇگىنگى كۇندەگى اۋزىنا تۇكىرتۋ، بۇل ينفەكتسيا تاراتۋ، تازالىققا جاتپايدى. ءار ادامنىڭ وزىنە ءتان ءيىسى، گيگيەناسى بولادى ءارى ول تازالىق دەڭگەيىنە قاراي ءوربيدى. ال، ەندى ونى ءۇپ ەتكەن جەلگە اۋىرىپ قالاتىن كىشكەنە بالاعا اپارىپ جاعۋ، قانشالىقتى دۇرىس وي، قالاي ويلايسىزدار؟» دەي كەلە بالانى «پاراساتتى جانداردىڭ الدىنا اپارىپ، باتاسىن الىپ، سوسىن ماڭدايىنان ءسۇيدىرتىپ، ءسۇف دەگەن لەبىن الاتىنىن» جەتكىزدى.
بۇگىندە قوناقتان سارقىت الۋ ءداستۇرىنىڭ دە ادەپسىزدىككە اينالعانىن سىنادى. قازاقتىڭ ءدىن مەن ءداستۇردى تەڭ ۇستاعان ىرىم-تىيىمداردىڭ قاسيەتىن جويماۋعا شاقىردى. بابالاردىڭ ىزگى نيەتىن، جولىن، ءۇردىسىن جامان ىرىمعا اينالدىرىپ الماۋىمىز قاجەت دەگەندى باسا ايتتى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан