اتا زاڭىمىزدا بىرلىك پەن كەلىسىمنىڭ نەگىزدەرى نىعايا تۇسەدى - توقايەۆ

استانا. KAZINFORM - باس قۇجاتتا جاۋاپتى ءارى جاسامپاز وتانشىلدىق ۇعىمى ناقتى جازىلادى. بۇل تۋرالى ۇكىمەتتىڭ كەڭەيتىلگەن وتىرىسىندا مەملەكەت باسشىسى قاسىم-جومارت توقايەۆ ءمالىم ەتتى.

- ادىلەتتى قازاقستان، زاڭ مەن ءتارتىپ، ازاماتتاردىڭ قۇقىقتارى مەن بوستاندىقتارى مۇلتىكسىز ساقتالاتىنى سياقتى نەگىزگى قاعيداتتار ناقتى كورسەتىلگەن. ءبىلىم، عىلىم، يننوۆاتسيالار جانە مادەنيەت ەلىمىزدىڭ تەڭدەسسىز باسىمدىقتارى رەتىندە ايقىندالدى. تاۋەلسىزدىگىمىز، ەگەمەندىگىمىز جانە اۋماقتىق تۇتاستىعىمىز مىزعىماس قۇندىلىقتار بولىپ قالا بەرەدى جانە ەلىمىزدىڭ ۋنيتارلىعى، جەرىنىڭ تۇتاستىعى مەن باسقارۋ نىسانى ەشقاشان وزگەرمەيدى دەگەن اسا ماڭىزدى سوزدەر بار. اتا زاڭىمىزدا بىرلىك پەن كەلىسىمنىڭ نەگىزدەرى نىعايا تۇسەدى، - دەدى قاسىم-جومارت توقايەۆ.

وسى ورايدا پرەزيدەنت باس قۇجاتتا جاۋاپتى ءارى جاسامپاز وتانشىلدىق ۇعىمى ناقتى جازىلاتىنىن اتاپ ءوتتى.

- ءبىر سوزبەن ايتقاندا، جاڭا كونستيتۋتسيا جوباسىن شىن مانىندە وزىق، ياعني تۇبەگەيلى جاڭارعان، ءاربىر تۇسى ساراپتالعان، ساپالى جازىلعان ءماتىن دەپ اتاۋعا تولىق نەگىز بار. وندا كونستيتۋتسيالىق قۇرىلىسقا قاتىستى الەمدەگى ۇزدىك تاجىريبەلەر كورىنىس تاپقان، ادام قۇقىقتارى جانە ۇلتتىق مۇددەمىز تولىق قورعالعان، - دەدى مەملەكەت باسشىسى.

وسىعان دەيىن پرەزيدەنت كونستيتۋتسيا جوباسىن سوت شەشىمىنسىز «تۇرعىن ۇيدەن ماجبۇرلەپ شىعارۋعا» دا جول بەرىلمەيدى دەپ تولىقتىرعان ءجون ەكەنىن ايتتى.