«اتالعان ءىس سوتقا دەيىنگى تەرگەۋدىڭ ءبىرىڭعاي تىزىلىمىنە (ە ق د ب) تىركەلدى. قازىرگى ۋاقىتتا بالانىڭ قايتىس بولۋ فاكتىسى بويىنشا قىلمىستىق ءىس قوزعالدى. قازىر ءتيىستى تەرگەۋ شارالارى جۇرگىزىلىپ جاتىر. ونىڭ ناتيجەسى بويىنشا دارىگەرلەردىڭ دە، اتا- انالاردىڭ دا ارەكەتتەرىنە باعا بەرىلەدى»، - دەدى ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ ۇكىمەت وتىرىسىنان كەيىن وتكەن باسپا ءسوز ءماسليحاتىندا.
ونىڭ ايتۋىنشا، وقيعانىڭ ءمان- جايىن انىقتاۋ ءۇشىن كەشەندى شارا جۇرگىزۋ قاجەت.
«باستاپقى اقپارات بويىنشا، اتا- انالار بەلگىلى ءبىر ءدىني اعىمدا بولعان، سوندىقتان ولار بالاسىنا قان قۇيۋعا شىنىمەن قارسى بولدى. سوت- مەديتسينالىق ساراپتاما تاعايىندالدى. سونىڭ ناتيجەسىندە بالا ءولىمىنىڭ سەبەبى، ياعني اتا- اناسىنىڭ باس تارتۋى نەمەسە دارىگەرلەردىڭ ارەكەتى انىقتالادى. سوندىقتان پروتسەدۋرالىق ارەكەتتەر ودان ءارى جۇرگىزىلەتىن سوت- مەديتسينالىق ساراپتامانىڭ ناتيجەلەرىن كۇتەيىك»، - دەيدى ول.
ايتا كەتەيىك، بۇعان دەيىن اقمولا وبلىسىندا اتا- اناسى قان قۇيۋعا قارسى بولعان ءسابي قايتىس بولعانى تۋرالى حابارلاعان ەدىك.
دارىگەرلەردىڭ ايتۋىنشا، بالانىڭ اتا- اناسى مەديتسينالىق كومەككە وتە كەش جۇگىنگەن.
اۆتور
داۋلەت ىزتىلەۋ