ات سپورتىنان قازاقستاندىقتار تاشكەنتتە وتكەن ءىرى تۋرنيرلەردە ءساتتى ونەر كورسەتتى

تاشكەنت. KAZINFORM - وزبەكستان استاناسىندا كونكۋر بويىنشا Maxima Masters ەۋرازيا تۋرنيرىنىڭ كوماندالىق سەرياسى مەن الەم كۋبوگىنىڭ كەزەڭدەرى ءوتتى.

ۇلتتىق وليمپيادالىق كوميتەتتىڭ مالىمەتىنشە، بۇل سپورتتىق سايىستا قازاقستاننىڭ اتىنان التى سپورتشى باق سىنادى.

وتانداستارىمىز تومەندەگىدەي ناتيجە كورسەتتى:

- كسەنيا باتالوۆا - ءارتۇرلى بيىكتىكتەگى كەدەرگىلەر بويىنشا ءۇش كۇمىس مەدال (120 س م، 160 س م، 140 س م)؛

- ولەگ سوبولەنكو - ءبىر كۇمىس (125 س م)، سونداي-اق كوماندالىق جارىستا قولا جۇلدە؛

- نۇريلا تۇرىسبەكوۆا - ءبىر كۇمىس (130 س م)، ەكى قولا (130 س م جانە كوماندالىق جارىستا)؛

- دايانا ونايەۆا - كوماندالىق جارىستا قولا مەدال؛

- بەكجان بايجان ۇلى - ءبىر كۇمىس (130 س م)، ءبىر قولا (كوماندالىق جارىستا).

تاشكەنتتەگى جارىسقا قازاقستان، وزبەكستان جانە قىرعىزستاننان بارلىعى 43 سپورتشى قاتىستى. ەۋرازيالىق ليگا كۇنتىزبەسىنە ەنگەن بۇل كەزەڭ حالىقارالىق ماۋسىم ءۇشىن اسا ماڭىزدى سانالادى.

ەسكە سالا كەتەيىك، بۇعان دەيىن قازاقستان قۇراماسى ارتىستىك جۇزۋدەن كانادادا وتەتىن الەم كۋبوگى كەزەڭىنە قاتىساتىنىن جازعان ەدىك.